’پی ڈی پی اور این سی کو جڑ سے اکھاڑ پھینکنا جہاد ہے ‘

سرینگر//
جموںکشمیر اپنی پارٹی کے صدر سید محمد الطاف بخاری کا کہنا ہے کہ نیشنل کانفرنس اور پی ڈی پی جیسی پارٹیوں کو جڑ سے اکھاڑنا ہمارے لئے جہاد ہے ۔ان کا ساتھ ہی کہنا تھا’’ہمارے لئے انتخابات میں ہارنا یا جیتنا اہم نہیں ہے بلکہ ان جماعتوں کو باہر کرنا اہم بات ہے ‘‘۔
اپنی پارٹی کے صدر نے ان باتوں کا اظہار ہفتے کے روز یہاں نامہ نگاروں کے ساتھ بات کرنے کے دوران کیا۔
بخاری نے کہا’’لوگ آنے والے انتخابات میں نیشنل کانفرنس اور پی ڈی پی کو جڑ سے اکھاڑنا چاہتے ہیں کیونکہ یہ ہمارے لئے جہاد ہے‘‘۔ان کا کہنا تھا’’انتخابات میں ہارنا یا جیتنا ہمارے لئے اہم نہیں ہے بلکہ ان پارٹیوں کو جڑ سے اکھاڑنا اہم بات ہے ‘‘۔
اپنی پارٹی نے کہا کہ لوگوں کی خدمت کرنا اور سچ بولنا ہمارا ایجنڈا ہے ۔انہوں نے کہا’’سچ کہنا ہمارا ایجنڈا ہے جب۲۰کروڑ مسلمان اس ملک کے ساتھ خوش رہ سکتے ہیں تو ہم کیوں نہیں رہ سکتے ہیں اور سچائی یہ ہے کہ ہم ہندوستان کا حصہ ہیں اور ہمارے بھی وہی حقوق ہیں جو یہاں۱۳۰کروڑ لوگوں کے ہیں‘‘۔
بخاری کا کہنا تھا’’اپنی پارٹی نوجوانوں کو با قار زندگی دلانے کیلئے لڑے گی‘‘۔
اپنی پارٹی کے صدر نے کہا کہ جن لیڈروں نعرہ سیلف رول، اٹانومی تھا ان کو بھی پکڑا جانا چاہئے ۔انہوں نے کہا کہ اپنی پارٹی نیشنل کانفرنس اور پی ڈی پی سے چھٹکارا چاہتی ہے بلکہ بی جے پی نے بھی ہمارے لئے کچھ بھی نہیں کیا۔ان کا دعویٰ تھا کہ جموں وکشمیر میں اگلی حکومت اپنی پارٹی کی ہوگی۔
بخاری نے کہا کہ۲۰۱۹کے بعد جموں کشمیر کے لوگوں نے امن کا ہاتھ پکڑا ہے ۔