سبھی ۸ہزار۱۷؍امیدوارحج۲۰۲۴ کیلئے منتخب کیا گیا

سرینگر//
جموں وکشمیر حج کمیٹی کی جانب سے پیر کو قرعہ اندازی عمل میں لائی گئی ہے جس میں ان سبھی ۸ ہزار۱۷؍ امیدواروں کو منتخب کیا گیا ہے، جنہوں نے حج۲۰۲۴ کیلئے اپنی درخواستیں دی تھیں۔ایسے میں اس مرتبہ صرف ان۲۰ درخواستوں کو مسترد کیا گیا، جن کے پاسپورٹس کی معیاد ختم ہوئی تھی۔
جموںکشمیر حج کمیٹی کے ایگزیکٹیو آفسر ‘ڈاکٹر شجاعت احمد قریشی نے کہا کہ اس کے علاوہ مزید کوٹہ ان محرم خواتین کے لیے آیا،جن کے مرد پہلے ہی قرعہ کے ذریعے حج ۲۰۲۴ کے لیے منتخب ہوچکے ہیں، تاہم اس کی نوٹیفیکیشن چند دنوں میں الگ سے جاری کی جائے گی۔
حج کے لیے جمع رقم سے متعلق بات کرتے ہوئے انہوں نے کہا اگرچہ کل رقم کا تعین ابھی نہیں کیا گیا البتہ عازم کی پہلی قسط ۸۱ہزار۵سو ہوگی جس کی ادائیگی کے حوالے سے باضابط عازمین کو مطلع کیا جائے گا۔
قریشی نے کہا کہ رواں برس بھارت کا سالانہ حج کوٹہ۷۵ء۱ لاکھ بڑھا دیا گیا ہے۔ایسے میں نئے معاہدے کے تحت حج کوٹے میں اضافہ کیا گیا۔امسال بھی زیادہ تعداد میں عازمین حج جموں وکشمیر سے ہوں گے، ایسے میں ملک کی دیگر ریاستوں اور یوٹیز کے مقابلے میں سب سے زیادہ حجاج کرام جموں و کشمیر کے ہیں۔
قابل ذکر ہے کہ سال گزشتہ یعنی۲۰۲۳میں ایک اہم اقدام کے طور محرم کے بغیر کئی خواتین نے حج کا فریضہ انجام دیا۔امسال ملک بھر سے۶ہزار خواتین کی درخواستیں موصول ہوچکی ہیں جو کی محرم کے بغیر حج پر جانی چاہتی ہیں۔