پلوامہ: دہشت گردوں نے غیر مقامی مزدور کو ہلاک کیا

سرینگر//
پولیس کاکہنا ہے کہ جنوبی کشمیر کے پلوامہ ضلع میں پیر کو ایک غیر مقامی مزدور کو دہشت گردوں نے گولی مار کر ہلاک کر دیا۔
ایک پولیس ترجمان نے ’ایکس‘ پر کہا’’دہشت گردوں نے پلوامہ کے تمچی نوپورہ علاقے میں یو پی کے مکیش کے طور پر شناخت شدہ ایک مزدور پر گولی چلائی، جو بعد میں زخموں کی تاب نہ لاتے ہوئے چل بسا۔ علاقے کو گھیرے میں لے لیا گیا۔ مزید تفصیلات کی پیروی کی جائے گی‘‘۔
یہ واقعہ سرینگر کے عیدگاہ علاقے میں ایک دہشت گردانہ حملے میں ایک پولیس انسپکٹر کے شدید زخمی ہونے کے ایک دن بعد ہوا ہے۔
ایک پولیس اہلکار نے بتایا کہ حملہ آوروں کو پکڑنے کے لیے علاقے کو گھیرے میں لے لیا گیا ہے۔
دریں اثناجموںکشمیر کے پولیس سربراہ دلباغ سنگھ کا کہنا ہے کہ جنوبی کشمیر کے ضلع پلوامہ میں غیر مقامی مزدور کی ہلاکت کے واقعے کے بارے میں تحقیقات کی جارہی ہے ۔
سنگھ نے کہا کہ اس واقعے میں ملوث لوگوں کو جلد ہی سزا دی جائے گی۔
پولیس کے مطابق جنوبی کشمیر کے ضلع پلوامہ کے تمچی نائو پورہ علاقے میں پیر کے روز جنگجوئوں نے ایک غیر مقامی مزدور کو گولیاں مار کر ہلاک کر دیا۔
ڈی جی پی نے اس واقعے کے بارے میں بات کرتے ہوئے میڈیا کو بتایا’’اس واقعے کی ایڈیشنل ڈائریکٹر جنرل آف پولیس کشمیر کی قیادت میں تحقیقات ہو رہی ہے اور تفصیلات دستیاب ہورہی ہیں‘‘۔
سنگھ نے کہا’’ایک غریب مزدور جو روزی روٹی کیلئے یہاں کام کر رہا تھا کو نشانہ بنانے کی حرکت کو نہ اللہ تعالیٰ، نہ ہی لوگ اور نہ ہی ہم معاف کر سکتے ہیں‘‘۔
ایل جی کا کہنا تھا’’اس کیس کو دیکھا جا رہا ہے اور اس میں ملوث لوگوں کو جلد ہی سزا دی جائے گی۔‘‘