’رشوت سے پاک جموں کشمیر ہمارا مشن اور ویژن‘

سرینگر//
جموںکشمیر کے لیفٹیننٹ گورنر منوج سنہا کا کہنا ہے کہ جموں وکشمیر کو بد عنوانی کے وبا سے صاف وپاک کرنا ہمارا مشن اور ویژن ہے ۔
سنہا نے کہا کہ ہمیں بد عنوانی سے نمٹنے کیلئے ایک مربوط اور اجتماعی نقطہ نظر کی ضرورت ہے ۔
لیفٹیننٹ گورنر نے ان باتوں کا اظہار پیر کو ’ایکس‘پر اپنے ایک پوسٹ میں کیا۔
سنہا نے کہا’’ویجی لنس بیداری کے ہفتے کے موقع پر پیر کو سیول سکریٹریٹ میں راج بھون کے افسران و عملے اور انتظامی سکریٹریوں نے دیانتداری کا حلف اٹھایا‘‘۔
ایل جی کا پوسٹ میں کہنا تھا’’ہمیں بد عنوانی سے نمٹنے کے لئے ایک مربوط اور اجتماعی نقطہ نظر کی ضرورت ہے جو ترقی میں رکاوٹ اور معاشرے کے اخلاقی پہلو کو کمزور کرتی ہے ‘‘۔
سنہا نے کہا کہ بد عنوانی کے کینسر کی بیخ کنی کیلئے تمام متعلقین کو ایک اہم رول ادا کرنا ہے ۔
لیفٹیننٹ گورنر نے کہا’’بد عنوانی سے صاف پاک جموں وکشمیر ہمارا مشن اور وژن ہے ہمیں اس موقع کو استعمال کرکے عوامی زندگی کے بہتر مستقبل، جوابدہی اور قابلیت کے فروغ کیلئے اپنے عزم کی تجدید کرنی چاہئے ۔‘‘
بعد ازاںویجی لنس بیداری ہفتہ کے موقعہ پر سول سیکرٹریٹ میں اَفسروں ، ایس ایس ایف کے اہلکاروں اور راج بھون کے عملے اور اِنتظامی سیکرٹریوں اور ضلع ترقیاتی کمشنروں ( بذریعہ ورچیول موڈ) کو’’ دیانتداری کا عہد‘‘دِلایا گیا۔لیفٹیننٹ گورنر منوج سِنہا نے سا لمیت کا عہد پڑھ کر سنایا اور اَفسروں اور عملے کو حلف دِلایا۔
لیفٹیننٹ گورنر نے کہا کہ ہمیںرشوت سے نمٹنے کے لئے ایک مربوط اور اِجتماعی نقطہ نظر کی ضرورت ہے جو ترقی کی راہ میں رُکاوٹ ہے اور معاشرے کے اخلاقی تانے بانے کو کمزور کرتا ہے ۔
سنہا نے کہا کہ رشوت کے کینسر کے خاتمے کے لئے تمام شراکت داروں کو اہم کردار اَدا کرنا ہوگا اور رشوت سے پاک جموںوکشمیر ہمارا ویژن اور مشن ہے ۔
لیفٹیننٹ گورنر نے تمام اِداروں میں عوامی خدمات کی فراہمی کو بہتر بنانے اور اِس طرح جموںوکشمیر میں بہتر حکمرانی کی راہ ہموار کرنے کے لئے اُٹھائے گئے اَقدامات پر بھی روشنی ڈالی۔
ایل جی نے کہا کہ اِس موقعہ پر ہمیں بہتر مستقبل کے لئے عوامی زندگی میں کارکردگی، جوابدہی اور قابلیت کو فروغ دینے کے اہداف کو حاصل کرنے کے لئے اَپنے عزم کی تجدید کرنی چاہئے ۔
حکومت جموں و کشمیر یوٹی۳۰؍اکتوبر سے۵ ؍نومبر تک ’’ ویجی لنس بیداری ہفتہ‘‘ منا رہی ہے۔ اس برس ’’ ویجی لنس بیداری ہفتہ ‘‘ کا موضوع ’’رشوت خوری سے احتراز کرو ۔قوم کی خدمت کرو‘‘ہے۔