سرینگر/ 13 اکتوبر
شمالی کشمیر کے ضلع کپوارہ کے کرال گنڈ علاقے میں فوج نے جمعہ کی صبح ایک مشتبہ شئے بر آمد کی جس کو بعد میں بغیر کوئی نقصان پہنچائے ناکارہ بنا دیا گیا۔
سرکاری ذرائع نے بتایا کہ کپوارہ کے کرال گنڈ علاقے کے گنا پورہ گاﺅں میں جمعہ کی صبح فوج کی روڈ اوپنگ پارٹی نے ایک مشتبہ شئے پائی۔انہوں نے کہا کہ اس کے بعد بارہمولہ ‘ ہندوارہ شاہراہ پر احتیاطی طور پر ٹریفک کی نقل و حمل روک دی گئی اور بم ناکارہ بنانے والی ایک ٹیم کو جائے موقع پر طلب کیا گیا۔
ذرائع کا کہنا تھا کہ بم ناکارہ بنانے والی ایک ٹیم نے جائے موقع پر پہنچ کر اس شئی کو بغیر کوئی نقصان پہنچائے ناکارہ بنا دیا جس کے بعد شاہراہ پر ٹریفک کی نقل و حمل بھی بحال کر دی گئی۔
تاہم فی الوقت یہ واضح نہیں ہوا ہے کہ آیا کہ آئی ای ڈی تھی یا کوئی دوسری چیز۔
