سرینگر/۱۶ستمبر
شمالی کشمیر کے ضلع بارہمولہ کے قصبہ اوڑی کے ہتھلنگہ علاقے میں سیکورٹی فورسز اور دہشت گردوں کے درمیان جاری تصادم آرائی میں ایک اور دہشت گرد مارا گیا جس کے ساتھ مارے گئے دہشت گردوں کی تعداد ۳ہوگئی۔
پولیس کے مطابق علاقے میں تلاشی آپریشن ہنوز جاری ہے ۔
کشمیر زون پولیس نے ٹویٹ کرکے کہا”بارہمولہ انکاﺅنٹر اپ ڈیٹ: ایک اور دہشت گرد مارا گیا، کلا تعداد ۳ہوگئی“۔انہوں نے کہا کہ علاقے میں تلاشی آپریشن ہنوز جاری ہے ۔
قبل ازیں پولیس ذرائع نے بتایا کہ سیکورٹی فورسز نے مذکورہ علاقے کو محاصرے میں لے کر تلاشی آپریشن شروع کر دیا۔
انہوں نے بتایا کہ اس دوران جوں ہی ایک تلاشی پارٹی مشتبہ مقام کے نزدیک پہنچی تو وہاں چھپے دہشت گردوں نے اس پر اندھا دھند فائرنگ کی جس کے نتیجے میں طرفین کے درمیان تصادم چھڑ گیا۔
