اگلے چوبیس گھنٹوں کے دوران مزید بارشوں کا امکان

سرینگر//
محکمہ موسمیات کے مطابق وادی کشمیر میں اگلے چوبیس گھنٹوں کے دوران کہیں کہیں ہلکی سے درمیانی درجے کی بارشوں کا امکان ہے ۔
متعلقہ محکمے کے ایک ترجمان نے بتایا کہ وادی میں اگلے چوبیس گھنٹوں کے دوران کہیں کہیں ہلکی سے درمیانی درجے کی بارشوں کا امکان ہے جبکہ اس دوران پونچھ اور راجوری اضلاع میں کچھ مقامات پر بھاری بارشیں ہوسکتی ہیں۔
ترجمان نے کہا کہ کشمیر میں کہیں کہیں ۲۲جولائی تک رک رک کر بارشوں کا امکان ہے جبکہ جموں میں کئی مقامات پر بارشیں ہوسکتی ہیں۔
ان کا کہنا تھا کہ پونچھ اور راجوری میں سیلابی ریلے اور مٹی کے تودے گر آنے کے بھی خطرات ہیں۔لوگوں سے دریائوں اور ندی نالوں سے دور رہنے کی تاکید کی گئی ہے ۔
سرینگر میں گذشتہ چوبیس گھنٹوں کے دوران۱ء۰ملی میٹر بارش ریکارڈ ہوئی ہے جبکہ پہلگام میں۳ء۵ملی میٹر‘ کپوارہ میں۷ء۲ملی میٹر، گلمرگ میں۰ء۲ملی میٹر‘ جموں میں۲ء۰ملی میٹر‘بھدرواہ میں۴ء۳۳ملی میٹر اور بٹوٹ میں۶ء۱ملی میٹر بارش ریکارڈ ہوئی ہے ۔
دریں اثنا گرمائی دارلحکومت سرینگر میں کم سے کم درجہ حرارت۷ء۲۱ڈگری سینٹی گریڈ ریکارڈ کیا گیا جبکہ قاضی گنڈ میں۸ء۱۹ڈگری سینٹی گریڈ‘پہلگام میں۰ء۱۶ ڈگری سینٹی گریڈ، کپوارہ میں۲ء۱۶ڈگری سینٹی گریڈ اور گلمرگ میں۳ء۱۴ڈگری سینٹی گریڈ ریکارڈ کیا گیا۔