سرکاری محکموں کیلئے ترجیحی کاموں کی ایک جامع فہرست کو منظور ی

سرینگر///
اِنتظامی کونسل نے رواں مالی سال کیلئے تمام محکموں کیلئے ترجیحی کاموں کی ایک جامع فہرست کو منظور ی دی ۔
ایک سرکاری بیان کے مطابق اِنتظامی کونسل کی میٹنگ آج یہاں لیفٹیننٹ گورنر منوج سِنہا کی صدارت میں منعقد ہوئی جس میں لیفٹیننٹ گورنر کے مشیر راجیو رائے بھٹناگر‘ چیف سیکریٹری ڈاکٹر ارون کمار مہتا اور لیفٹیننٹ گورنر کے پرنسپل سیکرٹری مندیپ کمار بھنڈاری نے شرکت کی۔
بیان کے مطابق یہ ترجیحی کام واضح طو رپر بیان کردہ ڈیلیوری ایبلز اور علاقے کی منفرد پہل ہیں جو حکومت جموںوکشمیر نے گذشتہ مالی برس کے دوران متعارف کی تھی جس کے تحت ہر محکمے کے حوالے سے ترجیحی کاموں کی نشاندہی کی گئی تھی اور ان کے حصول کیلئے ٹائم لائنز کی وضاحت کی گئی تھی ۔
تفصیلی محکمانہ ڈیلیوری ایبلز کو تیار کرنے اور ٹھوس اور وقت اہداف کو طے کرنے کی مشق ، متعلقہ محکموں کی مشاورت سے شروع کیا گیا اور ماہانہ ، سہ ماہی ، ششماہی اور سالانہ بنیادوں پر ٹائم لائنز طے کی گئیں۔
ڈیلیوری ایبلز میں بنیادی طور پر مختلف ترقیاتی منصوبے ، خدمات کی فراہمی میں بہتری ، آمدنی پیدا کرنا ، فلاحی اقدامات اور ہر محکمے سے متعلق دیگر بنیادی سرگرمیاں شامل ہیں۔
گذشتہ مالی برس کے دوران محکموں کو کل۱۱۳۷ ڈیلیور ایبلز تفویض کئے گئے تھے۔ اِس کے علاوہ صوبائی اور ضلعی اِنتظامیہ نے مقررہ اہداف کو حاصل کرنے کیلئے بروقت کارروائی کیلئے مناسب منصوبہ بندی ، تشخیص اور فرق کا تجزیہ کرتے ہوئے ان محکمانہ ڈیلیور ایبلز پر عمل درآمد کو ترجیح دی۔
اِن ڈیلیور ایبلز کی عمل آوری کی نگرانی سیکرٹریٹ کی سطح پر ایک منظم طریقہ کارسے کی گئی اور کامیابیوں کی نگرانی سیکرٹریٹ اور ضلع دونوں سطح پر اور ماہانہ بنیادوں کی درجہ بندی پر کی گئی۔اِس طرح حکومت کے مختلف ونگوں کے درمیان ہیلتھ کمپٹیشن ہوا۔
یہ اقدامات نہ صرف محکمانہ خدمات کے معیار او رمقدار کی وضاحت کرتے ہیں جس کو وقت کے ساتھ یقینی بنایا جائے بلکہ ان کا مقصد زیادہ سے زیادہ بین محکمانہ ہم آہنگی کے ذریعے کارکردگی اور پیداوار ی صلاحیت کوبڑھانا ہے۔
حکومت نے جموںکشمیر یوٹی میں ترقی کو آگے بڑھانے میں اِس پہل کورواں مالی برس میں تمام محکموں کو ڈیلیور ایبل تفویض کرنے کی مشق کو جاری رکھنے کا فیصلہ کیا ۔
رواں مالی برس ڈیلیور ایبلز کی فہرست میں تقریباً۱۷۹۱؍ اہداف شامل ہیں۔ یہ مشق تمام محکموں کو آگے بڑھنے کے حوالے سے واضح سمت فراہم کرتی ہے اور یہ جموںوکشمیر کیلئے منفرد اقدام ہے ۔