نئی دہلی/۲۹مئی
دہلی ہائی کورٹ نے پیر کو جموں و کشمیر لبریشن فرنٹ (جے ایل ایف) کے سربراہ یاسین ملک کو قومی تحقیقاتی ایجنسی (این آئی اے) کی عرضی پر نوٹس جاری کیا جس میں علیحدگی پسند رہنما کو سزائے موت دینے کا مطالبہ کیا گیا ہے۔
دہلی ہائی کورٹ نے یاسین ملک کے پروڈکشن وارنٹ جاری کرتے ہوئے 9 اگست 2023 کو سماعت کی اگلی تاریخ کو عدالت میں پیش کیا ہے۔
اسے گزشتہ سال ٹرائل کورٹ نے دہشت گردی کی فنڈنگ کے ایک مقدمے میں عمر قید کی سزا سنائی تھی۔
این آئی اے نے اپنی عرضی میں کہا تھا کہ اس طرح کے ”خوفناک دہشت گرد“ کو سزائے موت نہ دینے سے انصاف کا خاتمہ ہوگا۔
جموں کشمیر میں پی ڈی پی کی صدر ‘ محبوبہ مفتی نے جہاں این آئی اے کے اس مطالبے کی مخالفت کی تھی وہیں اپنی پارٹی کے صدر ‘الطاف بخاری نے اس کی یہ کہہ کر حماےت کی تھی کہ ملک کی سالمیت کےخلاف کسی بھی شخص سے سختی سے نمٹنا چاہئے ۔
