پہلگام رافٹنگ واقعہ میں گجرات کے جوڑے کی موت ہو گئی‘ایک زخمی

اننت ناگ//
پہلگام میں پیر کو رافٹنگ بوٹ حادثے میں گجرات کے ایک جوڑے کی موت ہو گئی۔
پولیس ذرائع نے بتایا کہ تیز ہواؤں کے باعث دریائے لدر میں رافٹنگ بوٹ الٹ گئی۔
ذرائع نے بتایا کہ گجرات کے ایک جوڑے کی لاشوں کو ریسکیو آپریشن ٹیموں نے نکال لیا جبکہ ممبئی سے تعلق رکھنے والی ایک خاتون کو بچا لیا گیا جس کی حالت تشویشناک بتائی جاتی ہے۔
مرنے والے جوڑے کی شناخت احمد آباد گجرات کی پاٹل شرمیلا بین اور اس کے شوہر پایٹل بھیکھا بھائی امبالال کے طور پر کی گئی ہے۔
ممبئی کے سیاح جس کی حالت تشویشناک ہے اور جی ایم سی اننت ناگ میں زیر علاج ہے ‘ کی شناخت مسکان خان بیوی پروین شیخ کے طور پر کی گئی ہے۔
پولیس نے واقعہ کا نوٹس لیتے ہوئے قانون کی متعلقہ دفعات کے تحت مقدمہ درج کر لیا ہے۔