گاندربل میں طالب علموں پر چاقو سے حملہ، دو زخمی

سرینگر//
جموںکشمیر کے وسطی ضلع گاندربل میں پیر کے روز نامعلوم افراد نے طالب علموں پر چاقو سے حملہ کیا جس کے نتیجے میں دو سٹوڈنٹ شدید طورپر زخمی ہوئے اور انہیں نازک حالت میں صورہ میڈیکل انسٹی چیوٹ منتقل کیا گیا۔
اطلاعات کے مطابق پیر کی سہ پہر کو گاندربل کے بیہامہ علاقے میں نامعلوم افراد نے دو طالب علموں پر چاقو سے حملہ کیا جس کے نتیجے میں دونوں شدید طورپر زخمی ہوئے ۔
معلوم ہوا ہے کہ آس پاس موجود لوگوں نے زخمیوں کو طبی امداد کی خاطر نزدیکی ہسپتال منتقل کیا جہاں سے ابتدائی مرہم پٹی کے بعد دونوں کو صورہ میڈیکل انسٹی چیوٹ منتقل کیا گیا۔
زخمیوں کی شناخت ہدایت احمد تانترے اور ابراہیم احمد تانترے کے بطور ہوئی ہے ۔
پولیس ذرائع نے بتایا کہ حملہ آوروں کی بڑے پیمانے پر تلاش شروع کی گئی اور انہیں بہت جلد سلاخوں کے پیچھے دھکیل دیا جائے گا۔