جنوبی کشمیر کے ضلع شوپیاں کے بادی گام میں انکاؤنٹر شروع

سرینگر/۱۴؍اپریل
جنوبی کشمیر کے ضلع شوپیاں کے بادی گام میں سیکورٹی فورسز اور جنگجوؤں کے درمیان تصادم چھڑ گیا ہے ۔
ایک پولیس ترجمان نے کہا کہ شوپیاں کے بادی گام زینہ پورہ علاقے میں انکاؤنٹر چھڑ گیا ہے ۔انہوں نے کہا کہ پولیس اور سیکورٹی فورسز کام پر لگے ہوئے ہیں۔
قبل ازیں ذرائع نے بتایا کہ جنگجوؤں کے چھپنے کی اطلاع موصول ہونے پر فوج اور پولیس کی ایک مشترکہ ٹیم نے جمعرات کو شوپیاں کے بادی گام علاقے کو محاصرے میں لے کر تلاشی آپریشن شروع کر دیا۔
ترجمان نے کہا کہ تلاشی آپریشن کی ایک ٹیم جوں ہی ایک مشتبہ مقام کے نزدیک پہنچی تو وہاں چھپے جنگجوؤں نے اس پر فائرنگ شروع کر دی جس کے نتیجے میں طرفین میں تصادم چھڑ گیا۔