خود کوپی ایم او میں ڈائریکٹرظاہر کرنے والا شخص گرفتار

سرینگر//
ایک ہائی پروفائل کیس میں، جموں و کشمیر پولیس نے گجرات کے ایک شخص ‘جو خود کو وزیر اعظم کے دفتر کے ایڈیشنل ڈائریکٹر (حکمت عملی اور مہمات) کے طور پر ظاہر کررہا تھا ‘کو گرمائی دارالحکومت سری نگر میں گرفتار کیا۔
ایک مقامی خبر رساں ایجنسی نے قابل اعتماد ذرائع نے کے حوالے سے بتایا ہے کہ پولیس نے کرن پٹیل ولد جگدیش پٹیل کے بطور ایڈیشنل ڈائریکٹر (اسٹریٹجی اینڈ کمپینز) پی ایم او، نئی دہلی کے طور پر شناخت کیے گئے ایک شخص کے بارے میں خاص اطلاع ملنے کے بعد فوری کارروائی کرتے ہوئے اس شخص کو گرفتار کیا۔
اسی مناسبت سے سرینگر پولیس نے۲۰۲۳ کی ایک ایف آئی آر نمبر۱۹ پولیس اسٹیشن نشاط میں درج کی ‘ جس میں لکھا گیاہے ’’۲مارچ۲۰۲۳ کو پولیس اسٹیشن نشاط کو موصول ہونے والی ایک قابل اعتماد اطلاع نے انکشاف کیا کہ ایک دھوکہ باز کرن بھائی پٹیل ولد جگدیش بھائی پٹیل ساکن گجرات نے مجرمانہ ارادے سے اس پولیس اسٹیشن اور وادی کشمیر کے دیگر علاقوں کے دائرہ اختیار میں سرگرمیوں میں ملوث ہے اور اعلیٰ درجے کے جعلی ذرائع سے کام لیا ہے۔ کرن بھائی نے خود کو ہندوستان کے ایک سینئر سرکاری اہلکار کے طور پر ظاہر کیا ہے‘‘۔
مذکورہ شخص نے دھوکہ دہی، جعلسازی اور نقالی کا سہارا لے کر معصوم لوگوں کو دھوکہ دیا ہے اور جان بوجھ کر مادی اور مالی فوائد کے حصول کیلئے ایک اچھے منصوبے کے تحت لوگوں کو سرگرمیاں کرنے اور چھوڑنے پر اکسایا ہے۔
رپورٹس کے مطابق پٹیل جعلسازی کے ذریعے جموں و کشمیر پولیس سے سیکورٹی حاصل کرنے میں کامیاب ہوا اور وہ ہوٹل للت میں کمرہ نمبر۱۱۰۷ میں مقیم تھا۔ اطلاعات کے مطابق ’دھوکہ باز‘ نے وسطی کشمیر کے بڈگام ضلع میں دودھ پتھری سمیت کشمیر کے متعدد مقامات کا دورہ کیا تھا۔ دودھ پتھری میں ’دھوکہ باز‘ کے ساتھ ایس ڈی ایم رینک کا افسر بھی تھا۔
اگر ذرائع پر یقین کیا جائے تو کرن پٹیل جو خود کو حکومت ہند کے سینئر عہدیدار ظاہر کرتے ہیں‘ نے وادی میں اپنے دورے کے دوران کم از کم دو ڈپٹی کمشنروں سے بھی ملاقات کی ہے۔
آج سرینگر کی ایک مقامی عدالت نے کرن پٹیل کو عدالتی حراست میں بھیج دیا ہے۔
ایف آئی آر کے مطابق دھوکہ باز کے خلاف۴۱۹‘۴۲۰‘۴۶۷‘۴۶۸‘۴۷۱ آئی پی سی کے تحت پولیس اسٹیشن نشاط میں مقدمہ درج کیا گیا ہے اور اس معاملے کی مزید تحقیقات جاری ہے۔