راجوری سڑک حادثے میں۲؍ہلاک ‘۶دیگر زخمی

جموں//
جموں کشمیر کے ضلع راجوری کے بدھل علاقے میں جمعرات کو پیش آنے والے ایک سڑک حادثے میں۲؍افراد از جان جبکہ۶دیگر زخمی ہوگئے ۔
ذرائع نے بتایا کہ راجوری میں کوٹرنکہ سے بدھل جا رہی ایک منی بس بدل کنڈی روڈ پر لڑھک گئی جس کے نتیجے میں آٹھ مسافر زخمی ہوگئے ۔
زخمیوں کو علاج و معالجے کیلئے کمیونٹی ہیلتھ سینٹر کنڈی پہنچایا گیا جہاں ان میں سے دو افراد زخموں کی تب نہ لاکر دم توڑ گئے ۔
متوفین کی شناخت شکیل احمد ولد محمد بشیر ساکن کول اور بدر حسین ولد خان محمد ساکن کنڈی کے بطور کی گئی ہے ۔انہوں نے کہا کہ زخمیوں کو ابتدائی علاج کے بعد جی ایم سی ایسو سی ٹیٹ ہسپتال راجوری منتقل کیا گیا۔
دریں اثناسرینگر جموں شاہراہ پر ادھم پور کے نزدیک دو گاڑیوں کے درمیان آپسی ٹکر کے نتیجے میں دس مسافر زخمی ہوئے۔
اطلاعات کے مطابق جمعرات کے روز ادھم پور کے پھالٹا میں بس اور ٹرولر کے درمیان زور دار ٹکر ہوئی جس کے نتیجے میں بس میں سوار ۱۰مسافر زخمی ہوئے۔انہوں نے بتایا کہ آس پاس موجود لوگوں نے زخمیوں کو طبی امداد کی خاطر نزدیکی ہسپتال منتقل کیا جہاں پر کئی ایک کی حالت نازک بنی ہوئی ہے۔
پولیس نے حادثے کی وجوہات جاننے کی خاطر کیس درج کرکے مزید تحقیقات شروع کی۔