۵ سالہ بچہ اسکولی بس کی زد میں آکر ہلاک

سرینگر//
جنوبی کشمیر کے ضلع اسلام آباد کے داؤد پورہ براہ علاقے میں بدھ کو مبینہ طور پر اسکول بس کی زد میں آکر ایک ۵سالہ لڑکا ہلاک ہوگیا۔
ایک مقامی خبر رساں ایجنسی جی این ایس نے حکام کے حوالے سے اطلاع دی ہے کہ ’سینٹ لیوکس‘ کی اسکول بس دیتھو کے علاقے سے اسلام آبادکی طرف جارہی تھی جب اس نے اس لڑکے کو ٹکر مار دی جس کی شناخت تمیم بلال ولد بلال احمد بٹ ساکن کھل چوہڑ کے طور پر کی گئی جب وہ سڑک عبور کر رہا تھا۔
ایک سرکاری عہدیدار نے کہا کہ بچے کی موقع پر ہی موت ہوئی ۔
پولیس کاکہنا ہے کہ واقعہ سے متعلق ایک کیس درج کرکے تحقیقات کی جا رہی ہے ۔