سرینگر//
شمالی کشمیر کے کپواڑہ ضلع کے پیر پورہ ہائی ہامہ علاقے میں گولی لگنے سے نوجوان زخمی ہوا جس کو علاج ومعالجہ کی خاطر نزدیکی ہسپتال منتقل کیا گیا۔
ذرائع نے بتایا کہ پولیس کو اطلاع موصول ہوئی کہ کپواڑہ کے ہائی ہامہ گاوں میں بارہ بور رائفل سے گولی نکلنے کے باعث نوجوان زخمی ہوا‘ چنانچہ پولیس ٹیم فوری طورپر جائے موقع پر پہنچی اور نوجوان کو علاج ومعالجہ کی خاطرسب ضلع ہسپتال کپواڑہ پہنچایا۔
معلوم ہوا ہے کہ ابتدائی مرہم پٹی کے بعد نوجوان کو گورنمنٹ میڈیکل کالج بارہ مولہ منتقل کیا گیا۔
زخمی نوجوان کی شناخت ساہر احمد خان ولد نیاز احمد خان ساکن پیر پور ہائی ہامہ کے بطور ہوئی ہے ۔
پولیس نے معاملے کی نسبت ایف آئی آر زیر نمبر۲۰۲۳/۱۲زیر دفعہ۳۰۷آئی پی سی اور۲۷/۳آمرز ایکٹ کے تحت کیس درج کرکے مزید تحقیقات شروع کی۔