کپوارہ میں منشیات فروش گرفتار۵۸۰گرام نشہ آور مواد بر آمد:پولیس

سرینگر//
معاشرے سے منشیات کی بدعت کے قلع قمع کو یقینی بنانے کیلئے کپوارہ پولیس نے ایک اور منشیات فروش کو گرفتار کرکے اس کی تحویل سے۵۸۰گرام نشہ آور مواد بر آمد کیا ہے ۔
پولیس ترجمان نے اپنے ایک بیان میں کہا کہ پولیس نے کرناہ کے حاجترا علاقے میں ایک منشیات فروش کو گرفتار کرکے اس کی تحویل سے نشہ آور مواد بر آمد کیا۔
ترجمان نے بیان میں کہا کہ نشہ آور مواد اپنی تحویل میں رکھنے کی ایک مصدقہ اطلاع پر کارروائی کرتے ہوئے پولیس نے دوران شب ایگزیکٹیو مجسٹریٹ ٹنگڈار کی موجودگی میں فرید احمد شیخ ولد عبدالرحمان شیخ ساکن حاجیرا تاڑ کے گھر پر چھاپہ مار کر تلاشی شروع کی۔
ان کا بیان میں کہنا تھا کہ تلاشی کے دوران گھر سے ہیراؤن جیسے نشہ آور مواد سے بھرا ایک پیکٹ بر آمد کیا گیا جس کا وزن ۵۸۰گرام تھا۔
بیان میں کہا گیا کہ ملزم کو گرفتار کیا گیا اور اس سلسلے میں مزید تحقیقات کے لئے پولیس اسٹیشن کرناہ میں ایک کیس درج کیا گیا۔