ماہ صیامـ:رش سے بچنے کیلئے عمرہ زائرین کومختلف مقامات پر تقسیم کرنے کا فیصلہ

سرینگر//(ویب ڈیسک)
سعودی حکومت نے عمرہ زائرین کو رش سے پچانے کے لیے تین اوقات مقرر کرنے کا اعلان کردیا۔
عرب میڈیا رپورٹ کے مطابق عمرہ سیکیورٹی فورسز کے کمانڈر میجر جنرل محمد البسامی جمعہ کو کہا کہ زیادہ ہجوم سے بچنے کے لیے عمرہ زائرین کو تقسیم کرنے کے لیے مختلف اسٹیشنوں کی منظوری دی گئی ہے جبکہ مسجد الحرام میں داخلے کے لیے داخلی اور خارجی راستوں کی تنظیم نو کی بھی کی گئی ہے۔
حرمین شریفین کے حکام نے پریس کانفرنس سے خطاب کرتے ہوئے بتایا کہ صحن مطاف اور گراؤنڈ فلور کو زائرین کے لیے مختص کیا گیا ہے۔
سعودی وزارت حج و عمرہ نے بدھ کو اعلان کیا تھا کہ سعودی عرب میں ہر قسم کے داخلے کے ویزے رکھنے والوں کو عمرہ کرنے کی اجازت ہوگی۔ دیگر ممالک سے آنے والے افراد کے لیے عمرہ کرنے کے لیے تاریخیں بک کرنے کے اقدامات کیے گئے ہیں، جس کے باعث وہ رش میں باآسانی عمرہ ادائیگی کرسکیں گے۔
وزارت نے عمرہ اپوائنٹمنٹ کی بکنگ کے لیے تین اوقات مقرر کیے ہیں، جن میں مملکت میں داخلے کا ویزا جاری، اعتمرنا ایپلی کیشن میں رجسٹریشن اور بکنگ کرتے وقت کی میعاد کو یقینی بنانا شامل ہوگا۔
دوسری جانب وزارت نے خبردار کیا ہے کہ مسجد حرام میں غلط رویوں کا سخت نوٹس لیا جائیگا اور کسی کو وہاں پر بھیک مانگنے کی اجازت نہیں دی جائے گی۔
دریں اثنا سعودی عرب میں ’عمرہ اجازت نامہ‘ حاصل کیے بغیر عمرے کیلئے آنے والے زائرین پر ۱۰ ہزار ریال جرمانہ عائد کیا جائے گا۔
عرب خبر رساں ادارے کی رپورٹ کے مطابق سعودی پبلک سکیورٹی نے خبردار کیا ہے کہ ’’توکلنا‘‘ ایپ کے ذریعے عمرہ اجازت نامے کی تصدیق کی جائے گی، اجازت نامہ نہ ہونے کی صورت میں دس ہزار ریال کا قانون نافذ العمل ہے۔
رپورٹ میں بتایا گیا کہ سعودی عرب میں متعلقہ ادارے عمرہ زائرین کو ’’توکلنا‘‘ اور ایتمرنا‘‘ ایپ پر اجازت نامہ جاری کررہے ہیں، عمرے کی ادائیگی کے لیے اس کا ہونا ضروری ہے۔
قبل ازیں سعودی وزارت حج وعمرہ نے خانہ کعبہ میں نماز کی ادائیگی کے لیے اجازت نامے کے اصول کو منسوخ کیا تاہم عمرے کے لیے اجازت نامے کی پالیسی تاحال نافذ ہے،۵ سال کے بچے اور اس سے زائد عمر کے افراد کو عمرے کے اجازت نامے جاری ہورہے ہیں۔
خیال رہے کہ وہ افراد جنہوں نے کورونا ویکسین نہیں لگوائی انہیں بھی عمرہ اجازت نامہ جاری ہوگا۔