خیبر بزنس گروپ کے احاطوں پر آئی ٹی محکمہ کے چھاپے

سرینگر//
ذرائع نے بتایا کہ محکمہ انکم ٹیکس (آئی ٹی) کے اہلکاروں نے بدھ کو کشمیر میں خیبر بزنس گروپ کے متعدد یونٹوں پر چھاپے مارے۔
ذرائع کے مطابق سرینگر اور گلمرگ میں گروپ کے مختلف یونٹوں پر چھاپے مارے گئے۔
’’پولیس کی مدد سے آئی ٹی کے اہلکاروں نے سری نگر شہر کے گوگجی باغ علاقے میں عبدالرؤف ترمبو کی رہائش گاہ پر چھاپہ مارا۔ وہ خیبر بزنس گروپ کا مالک ہے‘‘۔
ڈپٹی ڈائریکٹر کی سربراہی میں ایک اور ٹیم نے سری نگر کے حضوری باغ علاقے میں روف ترمبو کی ملکیت خیبر گروپ کے ایک اور دفتر پر چھاپہ مارا۔
’’تیسری ٹیم نے گلمرگ میں خیبر ہمالین ریزورٹ اینڈ سپا پر چھاپہ مارا۔ تمام داخلی اور خارجی راستوں کو سیل کر دیا گیا ہے اور تلاشی لی جا رہی ہے۔‘‘
ذرائع نے مزید کہا کہ چھاپے ختم ہونے کے بعد مزید تفصیلات سامنے آئیں گی۔