سرینگر؍۱۶؍اکتوبر
مرکزی تفتیشی بیورو (سی بی آئی) نے رشوت طلب کرنے اور قبول کرنے کے الزام میں سرینگر میونسپل کارپوریشن کے صفا کدل وارڈ افسر کو گرفتار کرلیا ہے۔
سی بی آئی کے ترجمان کے مطابق، ایک شکایت کی بنیاد پر جمعرات کو متعلقہ وارڈ افسر کے خلاف مقدمہ درج کیا گیا۔
ترجمان نے بتایا کہ الزام ہے کہ ملزم نے شکایت کنندہ کو اپنے رہائشی مکان میں معمولی مرمت کا کام جاری رکھنے کی اجازت دینے کے عوض۱۰ ہزار روپے رشوت طلب کی تھی۔
ترجمان نے کہا کہ سی بی آئی نے۱۵؍ اکتوبر۲۰۲۶ کو جال بچھایا اور ملزم کو شکایت کنندہ سے رشوت طلب کرتے اور رقم قبول کرتے ہوئے رنگے ہاتھوں پکڑ لیا۔ بعد ازاں اسے گرفتار کرلیا گیا۔
ترجمان کے مطابق، معاملے کی مزید تحقیقات جاری ہے۔
۔۔۔۔۔۔(ایجنسیاں )
