جموں؍۱۶؍اکتوبر
جموں کے نروال علاقے میں ٹرانسپورٹ نگر کے مقام پر جمعرات اور جمعہ کی درمیانی شب ایک گاڑی کی ٹکر سے ایک شخص ہلاک ہوگیا۔
حکام کے مطابق، گاڑی کی ٹکر سے شخص زخمی ہوگیا تھا۔ واقعے کی اطلاع ملنے پر پولیس موقع پر پہنچی اور زخمی کو گورنمنٹ میڈیکل کالج (جی ایم سی) جموں منتقل کیا، جہاں ڈاکٹروں نے اسے پہنچنے پر ہی مردہ قرار دے دیا۔
حکام نے بتایا کہ قانونی و طبی کارروائیوں کی تکمیل کے لیے لاش مردہ خانے میں رکھی گئی ہے، جبکہ فوری طور پر متوفی کی شناخت نہیں ہوسکی۔
پولیس نے واقعے کا نوٹس لیتے ہوئے تحقیقات شروع کردی ہے۔
۔۔۔۔(ایجنسیاں )
