جموں کشمیر کے ۲۰ میں سے ۱۷؍اضلاع میں کوئی نیا مثبت کیس درج نہیں ہوا

سرینگر//
جموںکشمیر میں گزشتہ ۲۴گھنٹوں کے دوران کورونا وائرس کے۱۳نئے مثبت معاملات سامنے آئے ہیں۔۲۰ میں سے ۱۷ ؍اضلاع میں آج کوئی مثبت درج نہیں ہوا ۔
ایک سرکاری بیان کے مطابق اس مدت کے دوران دونوں صوبوں میں کورونا سے کوئی تازہ موت درج نہیں ہو ئی ہے ۔
بیان میں کہا گیا ہے کہ مجموعی ۱۳ مثبت معاملات میں سے ۱۲کا کشمیر اور ایک کا تعلق جموں صوبے سے ہے۔
اِس طرح مثبت معاملات کی کل تعداد۴لاکھ۵۳ہزار۶۹۰تک پہنچ گئی ہے‘جن میں سے۱۴۲(صوبہ جموں میں۱۱؍اور کشمیر صوبے میں۱۳۱)سر گرم معاملات ہیں۔اَب تک۴لاکھ۴۸ہزار۷۹۸؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں۱۱؍ اور ضلع کولگام میں ایک نیا معاملات درج کیا گیا ۔بارہمولہ‘ بڈگام ‘ پلوامہ‘کپواڑہ‘اسلام آباد‘گاندربل، شوپیان اوربانڈی پورہ اضلاع سے مثبت معاملات کی کوئی رِپورٹ نہیں ہے۔
اِسی طرح کشتواڑ میں ایک نیا معاملہ آج سامنے آیا ہے ۔اودھمپور ، راجوری ، ڈوڈہ ،کٹھوعہ ،سانبہ،جموں ، پونچھ ،رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
بیان میں کہا گیا ہے کہ گزشتہ ۲۴ گھنٹوں کے دوران جموں کشمیر میں کورونا سے کوئی تازہ موت نہیں ہو ئی ہے ۔اب تک جموںکشمیر میں کوروناوائرس سے مرنے والوں کی مجموعی تعداد۴۷۵۰تک پہنچ گئی ،جن میں سے۲۴۲۳ تعلق کشمیر صوبہ سے اور۲۳۲۷کاتعلق جموں صوبہ سے ہے۔
اِسی دوران آج مزید۱۷؍اَفراد شفایاب ہوئے ہیںجن میںجموں صوبے کے۱۴؍افراداور کشمیر صوبے کے۳؍افرادشامل ہیں۔