ائیر وائس مارشل پروین کیشو ووہرا کی لیفٹیننٹ گورنر سے ملاقات

سرینگر//
ائیر وائس مارشل پروین کیشو ووہرا ، اے وِی ایس ایم ، وِی ایم ،ائیر آفیسر کمانڈنگ جموںوکشمیر اور لداخ نے آج یہاں راج بھون میں لیفٹیننٹ گورنر منوج سِنہا سے ملاقات کی۔
اے او سی اور لیفٹیننٹ گورنر نے جموںوکشمیر یوٹی میں فضائی دفاعی اِنتظامی نظام سے متعلق مختلف اہم اَمور پر تبادلہ خیال کیا۔
لیفٹیننٹ گورنر نے اَپنے فرائض کی اَنجام دہی کے دوران ہندوستانی فضائیہ کے اہلکاروں کی طرف سے دکھائے گئے ہمت اور بہادری کی تعریف کی اور دُور دراز اور اونچائی والے علاقوں میں رہنے والی آبادی کے لئے ان کی گرانقدر تعاو ن او رہنگامی حالات میں آئی اے ایف کے ذریعے اَدا کئے گئے اہم کردار کی سراہنا کی۔