پاکستان نے غرق آب ہو ئے لڑکے کی لاش بھارتی فوج کے حوالے کی

جموں//
پاکستانی حکام نے ہفتہ کو ایک ہندوستانی لڑکے کی نعش فوج کے حوالے کر دی جو جموں و کشمیر کے پونچھ میں ایک ندی میں ڈوب گیا تھا اور تیز بہاؤ کی وجہ سے سرحد پار بہہ گیا تھا۔
کلائی گاؤں کا ۱۷ سالہ ظفر احمد ۳۱ جولائی کو دریا میں نہا رہا تھا کہ وہ ڈوب گیا۔ انہوں نے کہا کہ اسے بچانے والوں کے ذریعے تلاش نہیں کیا جا سکا۔
حکام نے کہا کہ فوج، جس نے پولیس اور ریاستی ڈیزاسٹر رسپانس فورس کے ساتھ تلاشی آپریشن میں بھی حصہ لیا تھا، اپنے پاکستانی ہم منصبوں کے ساتھ رابطہ قائم کیا کیونکہ یہ خیال کیا جا رہا تھا کہ لاش لائن آف کنٹرول (ایل او سی) کے پار سے بہہ گئی ہو گی۔
پاکستانی فوج نے۴؍اگست کو ایک لاش کی بازیابی کی تصدیق کی۔ ان کا کہنا تھا کہ ہندوستانی فوج نے لاش کی واپسی کے لیے ہاٹ لائن کے ذریعے پیغام بھیجا تھا۔
جان بحق لڑکے کی شناخت کی تصدیق کرنے کے بعد ہفتہ کو چکن دا باغ کراسنگ پوائنٹ پر سول اور پولیس اہلکاروں کی موجودگی میں لاش کو بھارتی فوج کے حوالے کر دیا گیا۔
حکام نے بتایا کہ احمد کی لاش رسمی کارروائیوں کی تکمیل کے بعد اس کے اہل خانہ کے حوالے کر دی گئی۔