سرینگر/۲۰مارچ
جموں وکشمیر کے کٹھوعہ ضلع میں پولیس نے منشیات فروش کے قبضے سے۱۵کلو چرس برآمد کرنے کا دعویٰ کیا ہے ۔
پولیس ذرائع کے مطابق مصدقہ اطلاع موصول ہونے کے بعد جموں پولیس نے لکھن پور کے نزدیک ناکہ لگایا جس دوران نجی کار کو روک کر اُس کی تلاشی لی گئی۔انہوں نے بتایا کہ پولیس نے تلاشی کے دوران گاڑی سے۱۵کلو چرس برآمد کرکے ضبط کیا ۔
اُنہوں نے مزید کہاکہ گاڑی میں سوار منظور احمد نامی نوجوان کو حراست میں لے لیا گیا ہے ۔
پولیس ذرائع کا کہنا ہے اس سلسلے میں ایک کیس درج کرکے مزید تحقیقات شروع کی گئی ہے ۔
