بی ایس ایف نے عدم استحکام کے خلاف جنگ میں اہم کردار ادا کیا :سنہا

اودھمپور/۲۰مارچ
لیفٹیننٹ گورنر منوج سِنہا نے آج ایس ٹی سی بی ایس ایف اودھمپور میں بارڈر سیکورٹی فورس کے ۶۳۶ نئے ریکروٹوں کی پاسنگ آئوٹ پریڈ میں شرکت کی۔
اِس موقعہ پر اَپنے خیالات کا اِظہار کرتے ہوئے لیفٹیننٹ گورنر نے کہا کہ ملک کی پہلی لائن آف ڈیفنس نے بہادری اور عزم کے ساتھ دہشت گردی اور عدم استحکام کے خلاف جنگ میں اہم کردار ادا کیا ہے۔
سنہا نے کہا کہ ہماری سرحدوں کے باہر سے پیدا ہونے والے دہشت گردی اورمنشیات کی سمگلنگ خطرات کو ختم کرنے کے لئے قریبی تعاون اور تال میل ضروری ہے ۔ لیفٹیننٹ گورنر نے زور دے کر کہا کہ مؤثر حکمت عملی اور رسپانس سسٹم کے ساتھ بی ایس ایف چیلنجوں سے نمٹنے کے لئے پوری طرح تیار ہے۔
لیفٹیننٹ گورنر نے جموںوکشمیر یوٹی میں اَمن و اَمان کو یقینی بنانے کے لئے بی ایس ایف کے بے پناہ تعاون اور قربانیوں کی بھی تعریف کی۔ اُنہوں نے کہا کہ میں ان تمام بہادر سپاہیوں اور اَفسران کو سلام پیش کرتا ہوں جنہوں نے سرحدی حفاظت کو یقینی بنانے اور اَپنے ملک کی خود مختاری اور سا لمیت کے تحفظ میں اَپنی جانوں کا نذرانہ پیش کیا۔
سنہا نے کہا کہ بی ایس ایف کی شراکت سرحدوں کی حفاظت اور وادیٔ کشمیر میں پُر اَمن ڈی ڈی سی اِنتخابات کے اِنعقاد میں اس کے کردار ، کووِڈ وبائی اَمراض میں اس کے عوامی خدمات کے پروگراموں ، سرحد پار دراَندازی اور منشیات کی سمگلنگ پر سختی سے نظررکھتے ہیں۔خطے میں پیش رفت اور ترقی میں اِس کے ناگزیر شراکت کی گواہی ہے۔
سنہا نے مزید کہا’’ بی ایس ایف نے ہمیشہ عام شہریوں کو محفوظ ماحول فراہم کرنے کے لئے پورے عزم سے خدمات اَنجام دی ہیں ۔ اس نے بے لوث جذبے سے بحران کے وقت سرحدی دیہات کے شہریوں کی خدمت کی اور ہمیشہ شراکتی ترقی اور پیش رفت میں سہولیت فراہم کی۔‘‘
لیفٹیننٹ گورنر نے جموںوکشمیر کو تنوع اور مواقع سے بھرا جموںوکشمیر یوٹی کو قرار دیتے ہوئے کہا کہ ایک اِکائی کے طور پر ہم نئے سرے سے اَمن ، بے مثال ترقی اور خوشحالی کی سمت میں آگے بڑھ رہے ہیں۔
اِس سے قبل لیفٹیننٹ گورنر نے پاسنگ آئوٹ ٹرینیز کے شاندار مارچ پاسٹ سے سلامی لی اور پریڈکا معائینہ کیا جس کے بعد حلف برداری کی تقریب ہوئی۔
لیفٹیننٹ گورنر نے اَپنی تربیت میں بہترین کارکردگی کا مظاہرہ کرنے والوں کو میڈل بھی پیش کئے۔