جنگی بنیادوں پر کووڈ بوسٹر ڈوز مہم کو تیز کریں:مہتا

سرینگر //
چیف سیکریٹری‘ڈاکٹرارون کمار مہتا نے آج جنگی بنیادوں پر جموں و کشمیر کی اہل آبادی کو کووڈ کے خلاف بوسٹر ویکسینیشن خوراک دینے پر زور دیا ۔
مہتا نے یہ ہدایات جموں کشمیر کے یو ٹی میں کووڈ۱۹؍ اور مونکی پوکس بیماریوں پر قابو پانے کے اقدامات کا جائزہ لینے کیلئے ایک میٹنگ کی صدارت کرتے ہوئے دیں ۔
کووڈ پر قابو پانے کے اقدامات کا جائزہ لیتے ہوئے چیف سیکرٹری نے متعلقہ افسران کو ہدایت دی کہ وہ اپنی کوششوں کو تیز کرنے اور کمزور آبادی کے ہدف شدہ گروہوں کو سیر کرنے کیلئے ایک جامع حکمت عملی تیار کریں اور بقیہ طبقے کی فوری ویکسی نیشن کیلئے منظم ویکسی نیشن مہمات کا اہتمام کریں ۔
مہتا نے بوسٹر ڈوز دینے کے اہل افراد کی تعداد اور ان لوگوں کی تعداد کے بارے میں تفصیلات طلب کیں جنہیں پہلے ہی خوراک مل چکی ہے ۔
اس بات پر زور دیتے ہوئے کہ بوسٹر کی خوراک تمام اہل افراد کیلئے ضروری ہے ، انہوں نے کہا کہ باقی آبادی سے رابطہ کیا جانا چاہئیے اور انہیں مقررہ تاریخ کے اندر خوراک دینے کیلئے ایک ٹائم سلاٹ مقرر کیا جانا چاہئیے ۔
مہتا نے متعلقہ افسران کو انفارمیشن ایجوکیشن اینڈ کمیونیکیشن مہم شروع کرنے اور لوگوں کو آگاہ کرنے کی بھی ہدایت دی کہ کووڈ کے موجودہ ورژن میں شرح اموات کم ہے اور احتیاطی تدابیر اختیار کرنے کی ضرورت ہے ۔
چیف سیکریٹری نے لوگوں سے اپیل کی کہ وہ ماسک پہنیں اور وائرس کے پھیلاؤ کو روکنے کیلئے حکومت کی طرف سے وقتاً فوقتاً جاری کردہ تمام ایس او پیز پر عمل کریں ۔
میٹنگ کے دوران ڈائریکٹر سکمز نے ایک پرذنٹیشن دی اور چیف سیکرٹری کو کووڈ کی موجودہ صورتحال اور وائرس کے پھیلاؤ کو روکنے کیلئے کئے گئے اقدامات کے بارے میں بتایا ۔
چیف سیکرٹری نے مونکی پوکس پر قابو پانے کے اقدامات کا بھی جائیزہ لیا اور کہا کہ ہمیں کووڈ کے انتظام سے سیکھنے پر استوار کرنے اور فعال اور پیشگی جواب دینے کی ضرورت ہے ۔