سرینگر؍۱۳؍اگست
ڈی جی پی نلن پربھات نے جمعرات کو جموں و کشمیر میں یومِ آزادی کی تقریبات کے پُرامن اور کامیاب انعقاد کے لیے کیے گئے سکیورٹی انتظامات کا جائزہ لیا۔
سکیورٹی جائزہ اجلاس میں پولیس محکمہ کے تمام شعبوں کے اعلیٰ افسران نے شرکت کی، جن میں اسپیشل ڈی جی پی کوآرڈی نیشن ایس جے ایم گیلانی بھی شامل تھے۔
پولیس ترجمان نے بتایا کہ ’’ڈی جی پی نے پی سی آر کشمیر میں ایک سکیورٹی جائزہ اجلاس کی صدارت کی، جس میں جموں و کشمیر کے پورے یونین ٹیریٹری میں یومِ آزادی کی تقریبات سے قبل سکیورٹی تیاریوں اور انتظامات کا جائزہ لیا گیا۔‘‘
اجلاس کے دوران نلن پربھات نے آپریشنل تیاریوں کا جائزہ لیا اور مضبوط سکیورٹی گرڈ برقرار رکھنے کے لیے مزید چوکس رہنے، انٹیلی جنس پر مبنی کارروائیوں اور فوری ردعمل کی ضرورت پر زور دیا۔
انہوں نے افرادی قوت کی مؤثر تعیناتی، علاقے میں سکیورٹی فورسز کی موجودگی میں اضافہ اور مجموعی سکیورٹی نظام کو مزید مضبوط بنانے کے لیے دیگر سکیورٹی ایجنسیوں کے ساتھ قریبی تال میل کی اہمیت پر بھی زور دیا۔
ڈی جی پی نے اہم مقامات، بالخصوص سری نگر کے بخشی اسٹیڈیم میں سکیورٹی انتظامات کا جائزہ لیتے ہوئے اسٹیڈیم اور اس کے اطراف ٹریفک کی مؤثر نگرانی اور پارکنگ کے مناسب انتظام پر خصوصی توجہ دینے کی ہدایت دی۔
اجلاس میں سکیورٹی تیاریوں، اہلکاروں کی تعیناتی، انٹیلی جنس اطلاعات، ٹریفک مینجمنٹ اور دیگر انتظامات سے متعلق امور پر تفصیلی تبادلہ خیال کیا گیا۔
ایجنسیان
