سری نگر؍ ۶ ؍اگست
جموں و کشمیر کے ضلع رام بن کے رامسو علاقے میں جمعرات کو کرنٹ لگنے کے ایک واقعے میں ایک شخص جاں بحق جبکہ تین دیگر زخمی ہوگئے۔
ایک سرکاری عہدیدار نے بتایا کہ رامسو میں مبینہ شارٹ سرکٹ کے باعث چار افراد کرنٹ کی زد میں آگئے۔
عہدیدار نے کہا کہ تمام متاثرین کو فوری طور پر علاج کے لیے سب ڈسٹرکٹ اسپتال (ایس ڈی ایچ) بنیہال منتقل کیا گیا، جہاں ایک شخص زخموں کی تاب نہ لاتے ہوئے دم توڑ گیا، جبکہ دیگر تین زیر علاج ہیں۔
زخمیوں کی شناخت یاسر احمد (۷۰) ولد فاروق احمد، اشفاق احمد (۲۵) ولد خورشید احمد اور محمد یوسف (۳۵) ولد محمد حنیف، ساکنان سربگنی، کے طور پر ہوئی ہے۔
عہدیدار نے بتایا کہ جاں بحق ہونے والے شخص کی شناخت تاحال نہیں ہو سکی ہے۔پولیس نے واقعے کا نوٹس لے کر مزید تحقیقات شروع کر دی ہے۔
۔۔۔۔۔
ایجنسیاں
