جموں کشمیر میں کورونا وائرس کے ۵۳۱ نئے کیس درج

سرینگر//
جموں کشمیر میں گزشتہ ۲۴ گھنٹوں کے دوران کورونا وائرس کے ۵۳۱ نئے مثبت معاملات سامنے آئے ہیں ۔
اس مدت کے دوروان اس عالمی وبا سے کوئی نئی موت درج نہیں کی گئی ہے ۔
ایک سرکاری بیان میں کہا گیا ہے کہ مجموعی۵۳۱ نئے معاملات میں سے۲۴۳کاکشمیر صوبے جبکہ۲۸۸ کا تعلق جموں صوبہ سے ہے۔اِس طرح مثبت معاملات کی کل تعداد۴لاکھ۵۸ہزار۴۵۶تک پہنچ گئی ہے‘جن میں سے۲۴۱۱(صوبہ جموں میں ۱۳۴۹؍اور کشمیر صوبے میں۱۰۶۲)سر گرم معاملات ہیں۔اَب تک ۴لاکھ۵۱ہزار۸۱۵؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں۱۶۲‘ضلع بارہمولہ میں۳۰‘ضلع بڈگام میں۱۲‘ضلع پلوامہ میں۱۰‘ ضلع کپواڑہ میں۴ ‘ضلع اسلام آباد میں۲ ‘ ضلع بانڈی پورہ میں۳‘ضلع گاندربل ۱۸؍اورضلع کولگام میں۲نئے معاملے درج کئے گئے ہیں۔شوپیان ضلع سے کسی مثبت معاملے کی کوئی رِپورٹ نہیں ہے۔
اِسی طرح ضلع جموں میں۱۵۲‘ضلع اودھمپور میں ۲۱،ضلع راجوری میں۱۰، ضلع ڈوڈہ میں ۹‘ ضلع کٹھوعہ میں۵۵،ضلع سانبہ میں۹ ، ضلع پونچھ میں۱۶، ضلع رِیاسی میں ایک اورضلع کشتواڑ میں ۱۵نئے مثبت معاملے سامنے آئے ہیں۔ رام بن ضلع سے کسی مثبت معاملے کی کوئی رِپورٹ نہیں آئی ہے۔
اِسی دوران آج مزید۱۹۷؍افراد شفایاب ہوئے ہیںجن میں۸۲کشمیرکا اور۱۱۵کا تعلق جموں صوبہ سے ہے۔
بیان کے مطابق گزشتہ ۲۴ گھنٹوں کے دوران کورونا وائر سے سے کوئی تازہ موت درج نہیں ہوئی ہے ۔جموں وکشمیر میں کوروناوائرس سے مرنے والوں کی مجموعی تعداد۴۷۶۱تک پہنچ گئی ،جن میں سے ۲۴۲۵کاکشمیر اور۲۳۳۶کاتعلق جموں صوبہ سے ہے۔