اسٹوکس کا ون ڈے کیریئر شکست کے ساتھ ختم

چیسٹر لی اسٹریٹ// جنوبی افریقہ نے رسی وان ڈیر ڈوسن (134) کی سنچری اور ایڈن مارکرم (77) کی نصف سنچریوں کی بدولت انگلینڈ کو ایک روزہ سیریز کے پہلے اور بین اسٹوکس کے ایک روزہ کیریر کے آخری میچ میں 62 رن سے شکست دی۔
جنوبی افریقہ نے انگلینڈ کے سامنے 50 اوورز میں 334 رنز کا ہدف دیا تھا لیکن انگلینڈ اس کے جواب میں 271 رنز پر آل آؤٹ ہو گیا اور اسٹوکس کو جیت کے ساتھ رخصت نہ کر سکا۔ اپنا آخری بین الاقوامی ایک روزہ میچ کھیلنے والے بین اسٹوکس بھی صرف پانچ رنز بنا سکے۔
انگلینڈ کی ٹیم نے ٹاس جیت کر جنوبی افریقہ کو پہلے بیٹنگ کے لیے بلایا، لیکن وہ گیند سے زیادہ کچھ نہ کرسکی۔ اوپنر جانیمان ملان (57) نے ٹیم کو مضبوط آغاز فراہم کیا، جب وان ڈیر ڈوسن اور مارکرم نے انگلینڈ کے بلے بازوں کو زبردست اسکور کھڑاکیا۔
وین ڈیر ڈوسن نے 117 گیندوں میں 10 چوکوں کی مدد سے 134 رنز بنائے جبکہ مارکرم نے 61 گیندوں پر 9 چوکوں کی مدد سے 77 رنز بنائے۔
جنوبی افریقہ کے 333/5 کے جواب میں انگلینڈ پروٹیز کی سخت بولنگ کے سامنے ہاتھ کھولنے میں ناکام رہا۔ انگلینڈ کی جانب سے جو روٹ نے سب سے زیادہ 86 (77) رنز بنائے۔ اس کے علاوہ جونی بیرسٹو نے 63 (71) اور جیسن رائے نے 43 (62) رنز بنائے۔
افریقہ کی جانب سے اونرک نورکھیا نے 8.5 اوورز میں 53 رنز دے کر چار وکٹیں حاصل کیں۔ انہوں نے جو روٹ کی اہم وکٹ بھی حاصل کی۔
جنوبی افریقہ کو تین میچوں کی سیریز میں 1-0 کی برتری حاصل ہے۔ سیریز کا دوسرا میچ 22 جولائی کو مانچسٹر میں کھیلا جائے گا۔