(ڈی آئی پی آر )
سرینگر؍۷مارچ
جوائنٹ ڈائریکٹوریٹ آف انفارمیشن (جے ڈی آئی) کشمیر کے ملازمین نے معروف صحافی اور اردو روزنامہ ندائے مشرق کے چیف ایڈیٹر عبدالرشید شاہ کے انتقال پر گہرے رنج و غم کا اظہار کیا ہے، جو آج مختصر علالت کے بعد انتقال کر گئے۔
اس سلسلے میں جوائنٹ ڈائریکٹوریٹ آف انفارمیشن کے دفتر میں ایک تعزیتی اجلاس منعقد ہوا جس میں جوائنٹ ڈائریکٹر انفارمیشن کشمیر سید شہنواز بخاری، ڈپٹی ڈائریکٹر انفارمیشن محمد رفیق زلہ، کلچرل آفیسر کشمیر اور محکمہ کے دیگر افسران و ملازمین نے شرکت کی۔
اپنے تعزیتی پیغام میں جوائنٹ ڈائریکٹر انفارمیشن نے کہا کہ عبدالرشید شاہ کا انتقال کشمیر کی صحافتی برادری کے لیے ایک بڑا نقصان ہے۔ انہوں نے سوگوار خاندان کے ساتھ دلی تعزیت کا اظہار کرتے ہوئے مرحوم کی مغفرت اور پسماندگان کے لیے صبر و استقامت کی دعا کی۔
جے ڈی آئی کشمیر کے ملازمین نے بھی سینئر صحافی کے انتقال پر گہرے دکھ کا اظہار کرتے ہوئے محکمہ اطلاعات کے ساتھ مرحوم کی طویل وابستگی کو یاد کیا اور صحافت کے میدان میں ان کی لگن اور مثالی خدمات کو خراجِ عقیدت پیش کیا
