سرینگر/۱۵جولائی
جموں کشمیر کے لیفٹیننٹ گورنر ‘منوج سنہا نے جمعہ کو کہا کہ کچھ لوگ پرامن ماحول، سیاحت کے عروج اورےو ٹی میں چوبیس گھنٹے ترقی سے خوش نہیں ہیں اور سیکورٹی فورسز کو اکسانے کی مسلسل کوششیں کر رہے ہیں۔
سرینگر میں ڈل جھیل کے کنارے واقع ایس کے آئی سی سی میں ڈسٹرکٹ ایکسپورٹ پلان کے اجراءکے موقع پر ایل جی نے کہا ”کشمیر میں لوگوں کی اکثریت راحت کی سانس لے رہی ہے لیکن کچھ لوگ موجودہ پرامن ماحول، سیاحت سے خوش نہیں ہیں۔ ےو ٹی میں تیزی اور ترقی ہو رہی ہے“۔
سنہا نے کہا”یہ لوگ سیکورٹی فورسز کو ایسی غلطی کرنے پر اکسانے کی مسلسل کوششیں کرتے ہیں جو سڑکوں پر احتجاج کی بنیاد رکھ سکتی ہے۔ تاہم، ہمارے فورسز چوکس ہےں اور امن کو مستحکم کرنے اور امن مخالف تمام منصوبوں کو ناکام بنانے کے لیے سخت محنت کر رہے ہیں“۔
ایل جی نے کہا کہ جموں و کشمیر ’بڑی ترقی کی راہ پر گامزن ہے اور آنے والے سالوں میں یہ خطہ ترقی اور سرمایہ کاری کے لحاظ سے ملک میں ایک ماڈل مقام کے طور پر ابھرے گا“۔
سنہا کاکہنا تھا”کشمیر جی ۲۰ سربراہی اجلاس کی میزبانی بھی کرے گا جس سے جموں و کشمیر کی سرمایہ کاری کو بڑا زور ملے گا“۔
بعد میں نامہ نگاروں سے بات کرتے ہوئے، ایل جی سنہا نے کہا کہ وزیر اعظم نریندر مودی کی’ذاتی مداخلت سے، جموں و کشمیر ضلعی برآمدی منصوبوں پر کام کر رہا ہے اور اگلے پانچ سالوں میں، جموں و کشمیر کو برآمدی محاذ پر بڑھاوا ملے گا اور ےو ٹی کی برآمدی صلاحیت تمام تر ہے۔ بڑھانے کے لئے تیار ہے