کامن ویلتھ گیمز میں اپنی کارکردگی کو بہتر بنانا چاہوں گی: نونیت

ٹیارسا// ہندوستانی خواتین ہاکی ٹیم کی فارورڈ نونیت کور نے جمعرات کو کہا کہ ہندوستان ایف آئی ایچ خواتین ہاکی ورلڈ کپ میں نویں نمبر پر رہنے کے بعد دولت مشترکہ کھیل 2022 میں اپنی کارکردگی کو بہتر بنانا چاہے گا۔
جاپان کے خلاف ورلڈ کپ میچ میں ہندوستان کے لیے شاندار کارکردگی کا مظاہرہ کرنے والی نونیت نے کہاکہ”مجھے خوشی ہے کہ میں ٹیم کی جیت میں اپنا حصہ ڈالنے میں کامیاب رہی۔ ورلڈ کپ میں کھیلے گئے میچوں سے ہم بہت کچھ سیکھ سکتے ہیں۔ کامن ویلتھ گیمز ہماری کارکردگی کو بہتر بنانے پر کام کریں گے۔
ہندوستان نے اسپین کے ہاتھوں ایک کراس اوور میچ میں 0-1 سے ہارنے کے بعد ٹاپ آٹھ میں جگہ بنانے کا موقع گنوادیا تھا۔
نونیت نے اس ہار کے بارے میں کہاکہ ‘اسپین کے خلاف میچ ہارنے پر ہمیں بہت مایوسی ہوئی لیکن ہمیں معلوم تھا کہ ہمیں جلد ہی اس میچ کو پیچھے چھوڑ کر کینیڈا اور جاپان کے خلاف میچوں پر توجہ مرکوز کرنی ہے۔‘‘
انہوں نے مزید کہا کہ "ہم صرف ان دو ٹیموں کے خلاف جیت درج کرکے اپنی ورلڈ کپ مہم کو مثبت انداز میں ختم کرنا چاہتے تھے۔”
ہندوستان نے اپنے 9ویں مقام کے میچ میں ریگولیشن ٹائم کے اختتام پر 1-1 سے ڈرا کرنے کے بعد شوٹ آؤٹ میں کینیڈا کو 2-3 سے شکست دی۔ اس کے بعد ہندوستان نے 9ویں-12ویں پوزیشن کے میچ میں جاپان کا مقابلہ کیا جہاں اس نے 3-1 سے جیت کر ٹورنامنٹ میں نویں پوزیشن حاصل کی۔
نونیت نے کہاکہ "مجھے لگتا ہے کہ ہم کینیڈا کے خلاف اس سے بھی بہتر کارکردگی کا مظاہرہ کر سکتے تھے اور میچ کو شوٹ آؤٹ میں جانے سے روک سکتے تھے۔ ہم نے دائرے میں بہت سے مواقع ضائع کیے۔ جاپان کے خلاف یہ ضروری تھا کہ ہم اپنے مواقع سے فائدہ اٹھاتے۔
ہندوستانی خواتین ٹیم کامن ویلتھ گیمز 2022 میں اپنا پہلا میچ 29 جولائی کو گھانا کے خلاف برمنگھم میں کھیلے گی، جس کا آغاز 28 جولائی سے ہوگا۔