اننت ناگ میں منشیات فروش کی منقولہ جائیداد ضبط:پولیس

سرینگر: منشیات اسمگلنگ کے خلاف کریک ڈاؤن کو جاری رکھتے ہوئے اننت ناگ پولیس نے ایک بدنام زمانہ منشیات فروش کی منقولہ جائیداد کو این ڈی پی ایس ایکٹ کے تحت ضبط کیا ہے ۔
ایک پولیس ترجمان نے اپنے ایک بیان میں کہا کہ اننت ناگ پولیس نے منشیات کے متعدد مقدمات میں ملوث ایک عادی ملزم کی جائیداد کو ضبط کر لیا ہے ۔
ترجمان نے کہا کہ پولیس اسٹیشن بجبہاڑہ نے ایک ٹاٹا سفاری گاڑی کو ضبط کر دیا ہے ۔ان کا کہنا ہے کہ یہ گاڑی بشیر احمد ڈار ولد حبیب اللہ ڈار ساکن گادھنجی پورہ بجبہاڑہ کی ملکیت ہے ۔
پولیس ترجمان نے بتایا کہ ملزم ایک بدنام زمانہ منشیات فروش ہے جو بارہا منشیات کی اسمگلنگ میں ملوث پایا گیا ہے ۔انہوں نے کہا کہ حال ہی میں اس کو پولیس اسٹیشن بجبہاڑہ میں این ڈی پی ایس کی متعلقہ ایکٹ کے کے تحت گرفتار کیا گیا تھا۔
ان کا کہنا ہے کہ اس جائیداد کی ضبطی اننت ناگ پولیس کی اس مسلسل مہم کا حصہ ہے جس کا مقصد منشیات کے نیٹ روک کو ختم کرنا اور مجرموں کے مالی وسائل کو نشانہ بنانا ہے ۔
ترجمان نے کہا کہ اننت ناگ پولیس معاشرے سے منشیات کے ناسور کے خاتمے کیلئے پر عزم ہے ۔