مقبوضہ کشمیر کی خاتون ایل او سی پار کرنے پر گرفتار

حکام کے مطابق بھارتی فوج کے جوانوں نے لائن آف کنٹرول (ایل او سی) کے قریب جموں و کشمیر کے ضلع پونچھ میں ایک پاکستانی خاتون کو حراست میں لیا ہے، جو پاکستان کے زیر انتظام جموں و کشمیر (پی او جے کے) سے سرحد عبور کر کے یہاں پہنچی تھی۔
حکام نے بتایا کہ ۳۵ سالہ پاکستانی خاتون، جس کی شناخت شہناز اختر کے طور پر کی گئی ہے، کو منگل کے روز بالاکوٹ سیکٹر کے ڈبی فارورڈ ایریا سے فوجی دستوں نے حراست میں لیا۔ خاتون کا تعلق پی او جے کے کے ضلع کوٹلی کے گِمّا علاقے سے بتایا گیا ہے۔
ابتدائی تفتیش میں سامنے آیا ہے کہ خاتون کا اپنے والد کے ساتھ جھگڑا ہوا تھا، جس کے بعد وہ گھر سے نکل کر ایل او سی کی طرف بڑھ گئی اور اسی دوران فوجی دستے کی گرفت میں آ گئی۔
حکام کے مطابق خاتون کو تاحال پولیس کے حوالے نہیں کیا گیا ہے، اور معاملے کی مزید جانچ جاری ہے۔