Special Appearance

فلموں بالی ووڈ فلموں میں ایسے بھی کردار ہوتے ہیں جو پوری فلم میں ایک یا دو بار جلوہ افراوز ہو تے ہیں… اور پھر منظر سے غائب ہو جاتے ہیں… ان کے بغیر فلم آگے بڑھتی ہے اور اس کا دی اینڈ بھی ہو جاتا ہے… ایسے کردادوں کا فلم میں نمودار ہونے کو Special Appearanceکہتے ہیں … بس یہیSpecial Appearance اپنے راہل بابا بھی سیاست میں دیتے ہیں اور پھر منظر سے غایب ہو جاتے ہیں… کہیں کسی ایک دیش میں تو کہیں کسی دوسرے دیش میں … خبر ہے کہ رابل بابا اب کے ۱۵ دسمبر کو جرمنی جا رہے ہیں… اب ہم یہ تو نہیں کہہ رہے ہیں کہ انہیں جرمنی نہیں جانا چاہئے لیکن ان کے ناقدین کا کہنا ہے کہ یہ کیا بات ہو ئی ہے کہ پارلیمنٹ کا موسم سرما کا اجلاس جاری ہے اور…اور حزب اختلاف کے لیڈر یا ایل او پی صاحب غیر ملکی دورے پر جا رہے ہیں… بی جے پی کا تو کہنا ہے کہ راہل بابا سچ میں ایل او پی  ہیں… لیڈر آف پریاٹن (سیاحت کا لیڈر)… اب صاحب ہم تو ان کے بارے میں ایسا نہیں کہیں گے لیکن… لیکن یہ سچ ہے کہ راہل بابا کا سیاست میں Special Appearance  دینے کا معاملہ … ان کی یہ بات ہماری سمجھ میں نہیں آر ہی ہے… اہم موقعوں پر یہ جناب غائب ہو جاتے ہیں… جموںکشمیر میں الیکشن تھے تو … تو جموں کی انتخابی مہم سے یہ غائب … آخری موقع تک غائب تھے… ایسا ہی کچھ بہار کے حالیہ اسمبلی الیکشن میں بھی دیکھنے میں آیا … اور اب لوک سبھا اجلاس میں بھی کچھ ایسا ہی ہو رہا ہے… راہل بابا تو وندے ماترم پر خصوصی اجلاس میں بھی کہیں دکھائی نہیں دئے اور … اور ان کی غیر موجودگی کو اپنے وزیرا عظم مودی جی نے بھی محسوس کیا اور… اور اس کا اظہار بھی کیا … ہمیں راہل بابا کی غیر موجودگی پر کوئی اعتراض نہیں ہے… اور اس لئے نہیں ہے کیونکہ … کیونکہ ان کے بغیر بھی ملک کی سیاست چلتی ہے… آگے بڑھتی ہے…کام ہو تے ہیں… الیکشن ہو تے ہیں… سب کچھ بغیر کسی خلل کے جاری رہتا ہے… بالی ووڈ فلم کی طرح … ہاں اگر کچھ نہیں چل رہا ہے… کچھ آگے نہیں بڑھ رہا ہے تو وہ ہے کانگریس پارٹی اور… اور سیاست…سنجیدہ سیاست میں رابل بابا کا گراف بھی ۔ ہے نا؟