امت شاہ آج ایک جلاس میں جموںکشمیر کی سکیورٹی صورتحال کا جائزہ لیں گے

سرینگر/۸؍اکتوبر
اطلاعات کے مطابق، مرکزی وزیر داخلہ امت شاہ جمعرات کو نئی دہلی میں ایک اعلیٰ سطحی اجلاس کی صدارت کریں گے، جس کا مقصد جموں و کشمیر میں سیکیورٹی کی صورتحال کا جائزہ لینا ہے۔
ایک مقامی خبر رساں ایجنسی نے ذرائع کے حوالے سے بتایا ہے کہ اجلاس کا مقصد سکیورٹی ایجنسیوں کے درمیان ہم آہنگی کو بڑھانا اور مرکز کے زیر انتظام علاقے میں جاری انسداد دہشت گردی آپریشنز کا جائزہ لینا ہے۔
اجلاس میں لیفٹیننٹ گورنر منوج سنہا اور وزارت داخلہ، انٹیلی جنس بیورو، فوج، سی آر پی ایف، بی ایس ایف، اور جموں و کشمیر پولیس کے اعلیٰ حکام شریک ہونے کی توقع ہے۔
جموں و کشمیر کے اعلیٰ افسران، جن میں چیف سیکریٹری اور دیگر سینئر افسران شامل ہیں، آج شام ہی دہلی پہنچ گئے تاکہ اجلاس میں حصہ لے سکیں۔
ذرائع کے مطابق، وزیر داخلہ مجموعی سکیورٹی منظرنامے کا جائزہ لیں گے اور امن و استحکام قائم رکھنے کے لیے ایجنسیوں کے درمیان تعاون کو مضبوط بنانے پر توجہ دیں گے۔ایجنسیز