ویسٹ انڈیزکا ہندوستان کے خلاف ٹیسٹ سیریز کے لیے اسکواڈ کا اعلان

اینٹیگا، 17 ستمبر (یو این آئی ) ویسٹ انڈیز نے ہندوستان کے خلاف 2 اکتوبر سے شروع ہونے والی دو ٹیسٹ میچوں کی سیریز کے لیے اپنے اسکواڈ کا اعلان کر دیا ہے۔
یہ سیریز جون جولائی 2025 میں آسٹریلیا کے خلاف ہوم سیریز کے بعد نئی آئی سی سی ورلڈ ٹیسٹ چیمپئن شپ سائیکل میں روسٹن چیز کی قیادت والی ٹیم کے لیے دوسری سیریز ہے۔ اس سیریز کے لیے ویسٹ انڈیز نے پہلی بار بائیں ہاتھ کے اسپنر خیری پیئرے کو ٹیسٹ اسکواڈ میں شامل کیا ہے۔ ٹیگ نرائن چندر پال اور ایلک اتھانازے کی بھی ٹیم میں واپسی ہوئی ہے۔ 33 سالہ کھلاڑی ویسٹ انڈیز چیمپیئن شپ میں مستقل کارکردگی کا مظاہرہ کرتے ہوئے 13.56 کی اوسط سے 41 وکٹیں حاصل کر چکے ہیں۔ چندر پال جنہوں نے 10 ٹیسٹ میں 560 رنز بنائے ہیں۔
ٹیم میں تبدیلیوں کے بارے میں ویسٹ انڈیز کے ہیڈ کوچ ڈیرن سیمی نے کہا ایلک ایتھانازے کو اسپن بولنگ کے خلاف ان کی طاقت اور خوبیوں کی وجہ سے ٹیم میں شامل کیا گیا ہے۔
پہلا ٹیسٹ 2 اکتوبر سے احمد آباد میں شروع ہوگا۔ دوسرا ٹیسٹ 10 اکتوبر کو دہلی کے ارون جیٹلی اسٹیڈیم میں ہوگا۔
ہندوستان کے دورے کے لیے ویسٹ انڈیز کی ٹیم اس طرح ہے: روسٹن چیز (کپتان)، جومل واریکن (نائب کپتان)، کیولن اینڈرسن، ایلک اتھانازے، جان کیمبل، ٹیگ نرائن چندر پال، جسٹن گریویز، شائی ہوپ (وکٹ کیپر)، ٹیون املاچ، الزاری کنگ جوزف، شمار جوزف، برینڈن اینڈرسن فلپ، خاری پیئرےاور جیڈن سیلز۔