اسمرتی مندھانا کی سنچری سے ہندوستانن کا 292 کا چیلنجنگ اسکور

نیو چندی گڑھ، 17 ستمبر (یو این آئی) اسمرتی مندھانا (117) کی شاندار سنچری اور دیپتی شرما (40) کی شاندار اننگز کی بدولت ہندوستانی خواتین ٹیم نے بدھ کو دوسرے ون ڈے میں آسٹریلیا کے سامنے 293 رنز کا ہدف دیا۔
آسٹریلیا کی خواتین ٹیم نے ٹاس جیت کر پہلے گیند بازی کا فیصلہ کیا۔ پرتیکا راول اور اسمرتی مندھانا کی ہندوستانی اوپننگ جوڑی نے مضبوط آغازدیا، پہلی وکٹ کے لیے 70 رنز کااضافہ کیا۔ ایشلے گارڈنر نے 12ویں اوور میں پرتیکا راول (25) کو آؤٹ کر کے اس شراکت کو توڑا۔ ہرلین دیول (10) رن پر آؤٹ ہوئیں۔ کپتان ہرمن پریت کور (17) کو بھی ایشلی گارڈنر نے آؤٹ کیا۔ ہندوستان کی چوتھی وکٹ 192 کے اسکور پر اسمرتی مندھانا کی صورت میں گری جنہیں تالیا میک گرا نے آؤٹ کیا۔ اسمرتی مندھانا نے 91 گیندوں میں 14 چوکے اور چار چھکے لگا کر 117 رنز بنائے۔ اس کے بعد ہندوستانی بلے باز آسٹریلیائی بولنگ اٹیک کے سامنے نہ ٹھہر سکیں۔ ہندوستان نے ریچا گھوش (29)، رادھا یادو (6) اور اروندھتی ریڈی کی وکٹیں بھی جلدی سے گنوا دیں۔ کرانتی گوڑ (2) رن پر آؤٹ ہوئیں۔ دیپتی شرما نے 53 گیندوں میں 40 رنز بنائے۔ 50ویں اوور کی پانچویں گیند پر میگن شٹ نے 18 گیندوں پر 24 رنز بنا کر اسنیہہ رانا کو آؤٹ کر کے ہندوستانی اننگز کا خاتمہ 292 کے اسکور پر کیا۔
آسٹریلیائی خواتین ٹیم کی جانب سے ڈارسی براؤن نے تین اور ایشلے گارڈنر نے دو وکٹیں حاصل کیں۔ میگن شٹ، اینابیل سدرلینڈ اور تالیا میک گرا نے ایک ایک بلے باز کو آؤٹ کیا۔