ریلویز نے بارہمولہ،اْوڑی ریل لنک قاضی گنڈ،بڈگام کیلئے ڈبلنگ کی منظوری

وزارت ریلویز نے جموں کشمیر کیلئے دو بڑے منصوبوں کو منظوری دی ہے، جن میں ایک نیا بارہمولہ،اْوڑی ریلوے لائن اور قاضی گنڈ،بڈگام اسٹرچ کی ڈبلنگ شامل ہے۔
ایک بیان کے مطابق۲ء۴۰کلومیٹر بارہمولہ،اْوڑی لائن کنیکٹیویٹی کو سرحدی قصبے اْوڑی تک بڑھائے گی جو کمان پوسٹ کے قریب واقع ہے۔
بیان میں کہا گیا ہے کہ اس منصوبے میں تین روڈ انڈر برج اور نو روڈ اوور برج شامل ہیں، اور یہ خطے کو ہر موسم میں رسائی فراہم کرے گا جو سردیوں میں سڑک بند ہونے کے مسئلے کا شکار رہتا ہے۔
اس منصوبے کی سکیورٹی اہمیت بھی ہے کیونکہ بارہمولہ اور اْوڑی تحصیلوں میں سرحد کے قریب بڑے فوجی ٹھکانے واقع ہیں۔ یہ لائن ایک نئی سنگل براڈ گیج ٹریک کے طور پر تیار کی جائے گی اور اس کے لئے نئی زمین حاصل کرنا ہوگی۔
بیان میں مزید کہا گیا ہے کہ۵۰ء۷۳ کلومیٹر قاضی گنڈ،بڈگام ڈبلنگ منصوبہ بارہمولہ تک موجودہ سنگل لائن میں بھیڑ کو کم کرنے کے لئے بنایا گیا ہے۔
بیان میں کہا گیا ہے’’کٹرا۔بانہال سیکشن کے ۲۰۲۵ میں کمیشن ہونے کے بعد کشمیر ریل کوریڈور مکمل طور پر قومی نیٹ ورک کے ساتھ جڑ جائے گا، جس سے مسافروں کی تعداد میں اضافہ اور فریٹ موومنٹ کے مواقع کھلیں گے‘‘ ۔
بیان میں مزید کہا گیا کہ ڈبلنگ فوجی خصوصی ٹرینوں کو جو فوجی دستے اور سازوسامان لے کر چلتی ہیں، ہموار طریقے سے چلنے کے قابل بھی بنائے گی