اسٹاک مارکیٹوں میں فروخت جاری، سینسیکس تقریباً 700 پوائنٹس گرگیا

ممبئی، 28 اگست (یواین آئی) ایشیائی بازاروں سے ملے جلے اشاروں کے درمیان جمعرات کو گھریلو شیئر مارکیٹس میں گراوٹ کا سلسلہ جاری رہا۔
30 شیئرز پر مشتمل بی ایس ای کا حساس انڈیکس سینسیکس 39.88 پوائنٹس گر کر 80754.66 پر کھلا اور 693.02 پوائنٹس گر کر 80093.52 پر آگیا۔ خبر لکھنے کے وقت یہ کچھ بہتری کے ساتھ 431.63 پوائنٹس (0.53 فیصد) گر کر 80354.91 پر تھا۔
نیشنل اسٹاک ایکسچینج کا نفٹی 50 انڈیکس بھی 16.25 پوائنٹس کی کمی کے ساتھ 24695.80 پر کھلا۔ تادم تحریر یہ بھی 119.60 پوائنٹس یعنی 0.48 فیصد گر کر 24,592.45 پر تھا۔
آئی ٹی، ہیلتھ، فارما، بینکنگ، رئیلٹی، میٹل اور آٹو سمیت تقریباً تمام شعبوں کی کمپنیوں کے حصص میں فروخت کا زور رہا۔ صرف پائیدار کنزیومر پروڈکٹ گروپ انڈیکس سبز نشان میں چل رہا تھا۔
امریکہ کی جانب سے ہندوستانی مصنوعات پر درآمدی ڈیوٹی میں بدھ سے 25 فیصد اضافہ کرنے کا اثر مقامی اسٹاک مارکیٹوں پر دیکھا جا رہا ہے۔
سینسیکس میں ایچ ڈی ایف سی بینک، انفوسس، آئی سی آئی سی آئی بینک، ٹی سی ایس، ایچ سی ایل ٹیکنالوجیز، سن فارما، مہندرا اینڈ مہندرا، ایئرٹیل اور ٹاٹا موٹرزسمیت 20 کمپنیوں کے حصص سرمایہ کار فروخت کررہے ہیں۔ ایٹرنل، ایل اینڈ ٹی، اڈانی پورٹس اور ایشین پینٹس سمیت 10 کمپنیوں میں خریداری جاری ہے۔