دلیپ ٹرافی: گل، جورل اور ایشورن پہلا میچ نہیں کھیل سکے، شامی کی واپسی

بنگلورو، 28 اگست (یو این آئی ) شبھمن گل ہندوستانی ڈومیسٹک کرکٹ کے پہلے دلیپ ٹرافی میچ میں ایسٹ زون کے خلاف نہیں کھیل سکے،گل کی طبیعت ناساز بتائی جارہی ہے۔ دلیپ ٹرافی کے کوارٹر فائنل میچ جمعرات کو بنگلورو میں بی سی سی آئی کے سینٹر آف ایکسی لینس میں شروع ہو گئے ہیں۔
گل کو نارتھ زون کی ٹیم کا کپتان بنایا گیا تھا تاہم خرابی صحت کے باعث وہ پہلا میچ نہیں کھیل سکے۔ بی سی سی آئی نے ابھی تک باضابطہ طور پر یہ معلومات شیئر نہیں کی ہیں کہ گل کو کون سی بیماری ہے۔ تاہم توقع ہے کہ وہ 9 ستمبر سے ابوظہبی میں شروع ہونے والے ایشیا کپ کے لیے روانہ ہونے سے قبل فٹ ہو جائیں گے۔دلیپ ٹرافی کے پہلے میچ میں ان کی غیر موجودگی میں ہریانہ کے ٹاپ آرڈر بلے باز انکت کمار نارتھ زون کی ٹیم کی کپتانی کر رہے ہیں، جب کہ سروسزکے بلے باز شبھم روہیلا نےگل کی جگہ ٹیم میں جگہ بنائی ہے۔
گل کے علاوہ نارتھ زون کے پاس ایشیا کپ کے لیے منتخب دو کھلاڑی ہرشیت رانا اور ارشدیپ سنگھ اس میچ کے دوران ایکشن میں ہوں گے۔ ایسٹ زون میں ہندوستانی تیز گیند باز محمد شامی انجری کے بعد واپسی کر رہے ہیں۔
مشرقی زون کو بھی دھچکا لگا ہےان کے کپتان ابھیمنیو ایشورن بخار کی وجہ سے باہر ہو گئے ہیں۔ آل راؤنڈر ریان پراگ دلیپ ٹرافی کے پہلے میچ میں ایسٹ زون کی کپتانی کر رہے ہیں۔
وکٹ کیپر بلے باز دھرو جریل جنہیں نارتھ ایسٹ زون کے خلاف کوارٹر فائنل میں سینٹرل زون کا کپتان نامزد کیا گیا تھا وہ بھی چوٹ کی وجہ سے باہر ہوگئے ہیں۔ جورل کی جگہ رجت پاٹیدار نے لی ہے۔ خلیل احمد، دیپک چاہر اور کلدیپ یادو نارتھ ایسٹ کے خلاف سینٹرل زون کا حصہ ہیں۔
دونوں سیمی فائنل میچ 25 ستمبر سے بی سی سی آئی سینٹر آف ایکسی لینس گراؤنڈ میں کھیلے جائیں گے جبکہ فائنل میچ 11 ستمبر سے اسی گراؤنڈ میں کھیلا جائے گا۔