سرینگر
حالیہ بھاری بارشوں اور شری امرناتھ جی یاترا کے بالتل اور پہلگام راستوں کی دیکھ بھال اور مرمت کی ضرورت پڑنے کے باعث یاترا کی نقل و حمل کو۳؍اگست سے دونوں راستوں سے معطل کر دیا گیا ہے ۔
صوبائی کمشنر کشمیر وجے کمار بدھوری نے کہا’’حالیہ شدید بارشوں کی وجہ سے بالتل اور پہلگام دونوں راستوں پر مرمت اور دیکھ بھال کے کاموں کی ضرورت ہے ‘‘۔
بدھوری نے کہا’’یہ مشاہدہ کیا گیا ہے کہ کل (اتوار) سے راستوں پر نفری اور مشینری کی مسلسل تعیناتی کی وجہ سے ہم یاترا دوبارہ شروع نہیں کر پائیں گے ، لہذا یاترا ۳؍اگست سے دونوں راستوں سے معطل رہے گی‘‘۔
حکام نے بتایا کہ اس سال کی سالانہ امرناتھ یاترا کے آخری دن جنوبی کشمیر ہمالیہ میں واقع مقدس غار میں ۶۰۰۰ سے زیادہ یاتریوں نے بھگوان شیو کی عبادت کی ، جس سے یاتریوں کی کل تعداد ۱۴ء۴ لاکھ ہوگئی۔
پچھلے سال ۱۰ء۵ لاکھ سے زیادہ یاتریوں نے گھپا کے درشن کئے تھے۔حکام نے بتایا کہ ہفتے کے روز مجموعی طور پر ۶۴۹۷ یاتریوں نے۳۸۰۰ میٹر اونچے مقدس غار میں درشن کیا۔انہوں نے بتایا کہ یاتریوں میں۴۵۸۶ مرد ، ۱۲۹۹ خواتین ‘۶۲ بچے‘۵۱سادھو ، پانچ سادھوی اور۴۹۴سیکورٹی اہلکار شامل ہیں۔
حکام نے مزید بتایا کہ۳جولائی کو یاترا شروع ہونے کے بعد سے اب تک۴لاکھ۱۴ہزار۳۱۱یاتری درشن کر چکے ہیں۔
جموں کشمیر کے لیفٹیننٹ گورنر منوج سنہا نے۲ جولائی کو بھگوتی نگر بیس کیمپ سے یاتریوں کے پہلے قافلے کو کشمیر کیلئے روانہ کیا تھا۔
