اے ایف سی انڈر 20 ویمنز ایشیا کپ کوالیفائرز کے لیے 23 رکنی ٹیم کا اعلان

نئی دہلی//ہندوستان کی انڈر 20 خواتین ٹیم کے چیف کوچ جوا کم الیگزینڈرسن نے آج 6 سے 10 اگست تک میانمار میں ہونے والے اے ایف سی انڈر 20 ویمنز ایشیا کپ 2026 کوالیفائر کے لیے 23 رکنی ٹیم کا اعلان کیا۔ینگ ٹائیگریس کو گروپ ڈی میں رکھا گیا ہے اور ان کا مقابلہ 6 اگست کو انڈونیشیا، 8 اگست کو ترکمانستان اور 10 اگست کو ینگون کے تھووننا اسٹیڈیم میں میزبان میانمار سے ہوگا۔ گروپ کی فاتح اور تمام آٹھ گروپوں میں سے تین بہترین دوسرے نمبر پر آنے والی ٹیمیں آئندہ سال اپریل میں تھائی لینڈ میں ہونے والے اے ایف سی انڈر 20 ویمنز ایشیا کپ کے لیے کوالیفائی کریں گی۔
ہندوستان ی ٹیم کوالیفائرز کے لیے بنگلورو میں پاڈوکون-دراوڑسنٹر فار اسپورٹس ایکسیلنس میں تربیت حاصل کر ر ہی تھی اور ان کی تیاریوں کے ایک حصے کے طور پر، ازبکستان انڈر 20 کے خلاف دو دوستانہ میچ کھیلنے کے لیے اس ماہ کے شروع میں تاشقند جانا ہوا تھا ۔ الیگزینڈرسن کی کوچنگ میں ٹیم نے دوسرے میچ میں سنسنی خیز 4-1 سے جیت کی تھی جبکہ پہلے میچ میں 1-1 سے ڈرا کر کے اہم کوالیفائرز سے پہلے اپنے اعتماد میں زبردست اضافہ کیا۔ینگ ٹائیگریس نے ازبکستان سے واپسی کے بعد بنگلورو میں اپنا کیمپ جاری رکھا۔ وہ آج رات میانمار کے لیے روانہ ہوں گے اور اپنے پہلے میچ سے پانچ دن پہلے یکم اگست کی صبح پہنچیں گے۔
اے ایف سی انڈر 20 ویمنز ایشیا کپ 2026 کوالیفائر کے لیے ہندوستان کا 23 رکنی دستہ ان کھلاڑیوں پر مشتمل ہے۔
گول کیپر: میلوڈی چانو کیشم، مونالیشا دیوی موئرنگتھم، ریبانسی جامو۔
ڈیفنڈرز: الینا چنگکھم، سنڈی ریمرواٹپوئی کولنی، جوہی سنگھ، نیشیما کماری، ریمی تھوکچوم، سہینا ٹی ایچ، شوبھانگی سنگھ، تھوبیسانا چانو تویجام، وکست بارا۔
مڈفیلڈرز: انجو چانو کاین پایئبم ، ارینا دیوی ناریما کپم، بھومیکا دیوی خوموچکم، مونیشا سنگھا، نیہا، پوجا۔
فارورڈز: ببیتا کماری، دیپیکا پال، خوشبو کاشیرام سروج، سبانی دیوی نونگمیکاپم، سلنجنا راول۔