نہیں صاحب ہمیں تو کوئی اعتراض نہیںہے… بالکل بھی نہیںہے ۔ اگر بلال غنی لون صاحب علیحدگی پسند سے ملک اور قوم پسند بن جاتے ہیں… مرکزی دھارے میں شامل ہو جاتے ہیںیا ہو گئے ہیں توہم بھلا اعتراض کرنے والے ہوتے کون ہیں اور… اوریہ بھی سچ ہے کہ بلال صاحب ایسے پہلے اور نہ آخری علیحدگی پسند سے ہیں… ان سے پہلے بھی کئی مرکزی دھارے میں شامل ہو گئے ہیں اور آئندہ بھی ہوجائیں گے… انکے چھوٹے بھائی صاحب نے بھی تو کچھ ایسا ہی کیا تھا… سجاد لون بھی تو علیحدگی پسندی سے تائب ہو کر مین اسٹریم میں آگئے تھے… ہاں بہت پہلے آکر انہوں نے ثابت کردیا تھا کہ وہ عمر میں چھوٹے ہیں… بلال سے چھوٹے ہیں لیکن عقل و دانش میں نہیں … اسی لئے تو بلال نے آج جو کیا ‘سجاد نے کئی بر س پہلے کیا …اسلئے ہم بلال کا تہیہ دل سے مرکزی یا قومی دھارے میں شامل ہونے پر استقبال کرتے ہیں… قومی دھارے میںشامل ہونے کیلئے بلال نے ایک طویل انٹرویو میں بہت سارے بہانے… ہمارے مطلب ہے کہ بہت ساری وجوہات بیان کی ہیں… اور انہوں نے جو کچھ بھی کہا ہم اس سے اتفاق کرتے ہیں … سو فیصد اتفاق کرتے ہیں… واقعی میں حریت کانفرنس آج کے دور میں غیر متعلقہ ہو گئی ہے… واقعی حریت بہت کچھ کر سکتی تھی… کشمیر اور کشمیریوں کیلئے کر سکتی تھی… لیکن اس نے نہیں کیا ‘ یا یہ کہ اس سے نہیں ہو پایا … لیکن… لیکن ایک بات جو ہماری سمجھ میں نہیں آ رہی ہے کہ کیا بلال حریت پر یہ الزام لگا رہے ہیں… کیا بلال حریت پر الزام لگا سکتے ہیں؟ہمارا ماننا ہے کہ نہیں لگاسکتے ہیں اور… اور اس لئے نہیں لگا سکتے ہیں کیونکہ یہ تو خود حریت تھے… حریت کا حصہ… حریت اگر ناکام ہو ئی تو… تو حریت کی ناکامی بلال کی بھی ناکامی ہے… حریت اگر کچھ کر نہیں پائی تو… تو بلال بھی کچھ کرنہیں پائے کیونکہ یہ بھی حریت کے فیصلہ سازوں میں سے ایک تھے… لیکن بلال آج بڑی معصومیت سے کہہ رہے ہیں… حریت کچھ نہیں کرپائی ہے… یہ جناب یہ بات بالکل آسانی سے کررہے ہیں… اس کے علاوہ ودسری باتیں بھی انہوں نے بڑی آسانی سے کہیں … بڑی معصومیت سے بھی… لیکن… لیکن ایک بات جو انہوں نے نہیں کہی‘ جو انہیں کہنی چاہئے تھی کہ جب پاکستان کے اشاروں پر ناچنے والی حریت اپنی ناکامی پہ ناکامی درج کررہی تھی… سالہا سال سے کررہی تھی… اس کی ناکامی کی قیمت عام کشمیری اپنے خون سے ادا کررہے تھے … تو اس دوران جو ہزاروں کشمیری مارے گئے ‘ دہشت گردی کی وجہ سے مارے گئے‘ان کا خون ہم کن ہاتھوں پر تلاش کریں … صرف حریت کانفرنس یا پھر بلال غنی لون کے ہاتھوں پر بھی ۔ ہے نا؟
بلال لون کی باتیں… لیکن؟
