(یو این آئی)
نئی دہلی//
چیف آف ڈیفنس اسٹاف جنرل انل چوہان نے کہا ہے کہ آپریشن سندور کے دوران تینوں افواج کے درمیان بہترین تال میل دیکھا گیا۔
جنرل چوہان نے ہفتہ کو تمل ناڈو کے ویلنگٹن میں ڈیفنس سروسز اسٹاف کالج کا دورہ کیا۔ انہوں نے ۸۱ویں اسٹاف کورس کے طلباء افسران، کالج کے مستقل عملے اور ویلنگٹن کے اسٹیشن افسران سے خطاب کیا۔
چیف آف ڈیفنس اسٹاف نے آپریشن سندور پر ایک لیکچر دیا اور ہندوستانی مسلح افواج کے کامیاب آپریشنز کے دوران تینوں افواج کے درمیان بہترین ہم آہنگی کے اہم پہلوؤں کا ذکر کیا۔
کالج کے فیکلٹی ممبران کے ساتھ بات چیت کرتے ہوئے ، جنرل چوہان نے تینوں افواج کے انضمام اورجوائنٹنس، صلاحیت کی ترقی، خود انحصاریت اور فوج میں کی جانے والی ٹرانسفارمیٹو تبدیلیوں پر زور دیا۔
کالج کے کمانڈنٹ لیفٹیننٹ جنرل وریندر وتس نے بھی انہیں کالج میں تربیتی سرگرمیوں کے بارے میں آگاہ کیا۔
کالج میں اس وقت۴۵ہفتوں کا۸۱واں اسٹاف کورس جاری ہے ۔ موجودہ کورس میں۳۵دوست ممالک کے۴۵طلباء سمیت۵۰۰طلباء افسران شامل ہیں۔
