سنہا کی ماتا ویشنو دیوی شرائین بورڈ کی۷۵ ویں میٹنگ کی صدارت منعقد

کٹرا///
لیفٹیننٹ گورنر ‘ منوج سنہا نے آج کٹرا میں شری ماتا ویشنو دیوی شرائین بورڈ ( ایس ایم وی ڈی ایس بی ) کی ۷۵ ویں میٹنگ کی صدارت کی ۔
لیفٹیننٹ گورنرنے شری ماتا ویشنو دیوی شرائین بورڈ کے نئے ممبروں کا پُرتپاک استقبال کیا جس میں ان کے سپرد کردہ اعتماد اور ذمہ داری کو اجاگر کیا ۔ انہوں نے شرائین کو سنبھالنے اور اس کے مذہبی اور ثقافتی ورثے کے تحفظ میں بورڈ کے اہم کردار پر زور دیا ۔
سنہا نے اعتماد کا اظہار کیا کہ نئے ممبران بورڈ کے اقدامات میں نمایاں شراکت کریں گے، اس کے مقاصد کو آگے بڑھائیں گے اور شرائین کی کارکردگی کو بہتر بنائیں گے ۔
لیفٹیننٹ گورنر نے بورڈ کے سابق ممبروں کی سرشار خدمات اور اہم شراکتوں کا بھی اعتراف کیا اور ان کے دور میں فیصلہ سازی کے عمل میں ان کی قیمتی شراکت کی تعریف کی ۔ بورڈ نے اپنے ماضی کے فیصلوں کا ایک جامع جائزہ لیا ۔
بورڈ نے مختلف جاری اور نئے منصوبوں کے بارے میں متعدد اہم فیصلے کئے جن میں بھون میں منوکامنا کے علاقے کو ایگزٹ ٹریک کی تعمیر اور دوبارہ تشکیل دینے ، کٹرا میں ایک ہیلی پیڈ کی ترقی ، نیو ویشنوی بھون ، کٹرا سپورٹس سٹیڈیمکے قریب کاٹیجز ، سانجھی چھت سے یاترا ٹریک کی چوڑائی کے علاوہ یاتریوں کیلئے سہولیات اور خدمات میں بہتری لانا بھی شامل ہے ۔
میٹنگ میں ولیج ہٹ میں نئے ہیلی پیڈ پروجیکٹ کی حیثیت کا جائیزہ لیا گیا جو شری شو کھوڑی شرائین بورڈ کے تعاون سے شروع کیا گیا ہے اور جسے بارڈر روڈ آرگنائیزیشن ( بی آر او ) انجام دے رہا ہے ، کی تاخیر پر بورڈ نے شدید تشویش کا اظہار کیا اور بی آر او کو ہدایت دی کہ وہ اکتوبر ۲۰۲۵تک اس پروجیکٹ کو مکمل کریں ۔ ہیلی پیڈ کا مقصد یاتریوں کیلئے ہموار اور آسان سہولت فراہم کر کے شو کھوڑی شرائین کی طرف سے یاتریوں کو بہتر سہولت فراہم کرنا ہے ۔
بورڈ نے شرائین کے علاقے میں قابل تجدید شمسی توانائی کے اقدامات پیش رفت کا بھی جائیزہ لیا۔ بورڈ نے صفائی کے بنیادی ڈھانچے کو بڑھانے کیلئے سیوریج کے ایک جامع نیٹ ورک کی منظوری دی جس میں شرائین کے علاقے میں صد فیصد اداروں کا احاطہ کیا گیا ہے ۔
لیفٹیننٹ گورنر نے یاتری فیڈ بیک سسٹم کا جائزہ لیا اور ہدایت دی کہ وہ ماہانہ نگرانی اور یاتریوں کی شرکت کی فعال حوصلہ افزائی کے ساتھ تمام خدمات کا احاطہ کرے تا کہ خدمت کی فراہمی میں مستقل بہتری کو یقینی بنا یا جا سکے ۔
بورڈ نے سی ای او ایس ایم وی ڈی ایس بی کو بھی ہدایت دی کہ وہ یاتریوں کی مدد کیلئے رضاکانہ خدمات میں شامل ہونے کے امکان کو تلاش کریں تا کہ یاترا کے راستے پر ان کے معاملات کو حل کریں اور رہنمائی فراہم کریں اور یاترا کے دوران ان کے مجموعی تجربے اور مدد میں اضافہ کریں ۔
سنہا نے مزید ہدایت دی کہ یاترا کے راستے پر کمزور مقامات کی نشاندہی کریں اور لینڈ سلائیڈنگ اور پتھروں کے گرنے کے ممکنہ خطرات کو دور کرنے اور ان کو کم کرنے کیلئے ضروری اقدامات پر عمل درآمد کریں اور یاتریوں کیلئے محفوظ ماحول کو یقینی بنائیں ۔
بورڈ نے لیفٹیننٹ گورنر کی جانب سے ایس جی سی کٹرا میں ایک انٹیگریٹڈ کمانڈ اینڈ کنڑول سنٹر اور ۷ب کنٹرول سنٹر کے افتتاح کے ساتھ شرائین کے علاقے میں حفاظتی اقدامات میں اضافے کیلئے ان کی تعریف کی ۔
بورڈ نے جولائی ۲۰۲۵ میں ریاسی ضلع میں تعمیر کردہ ۵مندروں کو عوام کیلئے کھولنے کا فیصلہ لیا ۔
بورڈ نے ایس ایم وی ڈی چیریٹیبل سوسائٹی کے تحت اداروں کیلئے مالی اعانت کا جائیزہ لیا اور گوروکُل اسپتال ، سپورٹس کملیکس ، کالج آف نرسنگ اینڈ میڈیکل کالج سمیت گرانٹ ان ایڈ کے ذریعہ ان کی کارروائیوں اور سرگرمیوں کی حمایت کرنے کیلئے ان کی منظوری دی ۔
میٹنگ کے دوران لیفٹیننٹ گورنرنے بیٹری کار پارکنگ اسٹینڈ ، بیرونی گپھا شیڈ ، سیلف سروس کیوسک /ڈیجیٹل کیش رجسٹر اور سمارٹ لاکرز سمیت یاتریوں کیلئے متعدد سہولیات کا افتتاح کیا ۔
اس سے قبل ایس ایم وی ڈی ایس بی کے سی ای او مسٹر انشول گرگ نے شرائین بورڈ کی مختلف سرگرمیوں اور بورڈ کی پچھلی میٹنگوں میں لئے گئے مختلف فیصلوں کے نفاذ کے سلسلے میں کی جانے والی کارروائی کے بارے میں ایک تفصیلی پیش کش کی ۔
میٹنگ میں نئے تشکیل دئیے گئے بورڈ کے ممبران مہامنڈلیشور شری سوامی وشویشور آنند گِری جی مہاراج ، شری بلیشور رائے ، ڈاکٹر اشوک بھان ، شریمتی سُدھا مورتی ، شریمتی گُنجن رانا ، ڈاکٹر کے کے تلوار ، شری کلبوشن آہوجا ، شری للت بھسین اور شری سریش کمار شرما نے شرکت کی ۔
لیفٹیننٹ گورنر کے پرنسپل سیکرٹری ڈاکٹر مندیپ کے بھنڈاری اور چیف ایگزیکٹو آفیسر ایس ایم وی ڈی ایس بی مسٹر انشول گرگ بھی میٹنگ میں موجود تھے ۔