پنت سنچریوں کی ہیٹ ٹرک بنانے والے ایلیٹ کلب میں ہوئے شامل

لیڈز//رشبھ پنت نے انگلینڈ کے خلاف ہیڈنگلے میں شاندار سنچری بنا کر ایک بار پھر ریکارڈ بک میں اپنا نام درج کر الیا ہے۔ یہ چوتھا موقع ہے کہ ایشیا سے باہر تین ہندوستانی بلے بازوں نے ایک ہی ٹیسٹ اننگز میں سنچریاں بنائیں۔
پنت نے اپنے ٹریڈ مارک انداز میں شعیب بشیر کی گیند پر ایک ہاتھ سے چھکا لگا کر ناٹ آؤٹ سنچری بنائی، اس سے قبل نوجوان اوپنر یشسوی جیسوال اور کپتان شبھمن گل نے شاندار سنچریاں اسکور کیں۔ ان تینوں کی سنچریاں بیرون ملک ہندوستانی ٹیسٹ کرکٹ کے لیے ایک نادر اور منفرد کامیابی ہے۔
یہ چوتھا موقع ہے کہ ایشیا سے باہر تین ہندوستانی بلے بازوں نے ایک ہی ٹیسٹ اننگز میں سنچریاں بنائیں۔ اس سے قبل سنیل گواسکر، سری کانت اور موہندر امرناتھ نے 1986 میں آسٹریلیا کے خلاف سڈنی میں یہ کارنامہ انجام دیا تھا۔ 2002 میں راہل ڈراوڑ، سچن تندولکر اور سورو گنگولی نے انگلینڈ کے خلاف ہیڈنگلے میں یہ کارنامہ انجام دیا اور 2006 میں وریندر سہواگ، راہل ڈراوڑ اور محمد کیف نے ویسٹ انڈیز کے خلاف گروس آئلٹ میں یہ کارنامہ دہرایا۔
آر سی بی کے خلاف آئی پی ایل میں دوبارہ فارم حاصل کرنے کے بعد، انہوں نے اب انگلینڈ میں بیک ٹو بیک ٹیسٹ سنچریاں اسکور کی ہیں۔ 99.1 اوور میں وہ لمحہ پنت کی بہادرانہ صلاحیتوں کو مکمل طور پر ظاہر کرتاہے۔ انہوں نے آگے بڑھ کر اور شعیب بشیر پر ایک ہاتھ سے چھکا لگا کر اپنی ساتویں ٹیسٹ سنچری بنائی، اس کے بعد ہیلمٹ اتار کر سلامی دی، اپنا بیٹ گرا کر اور اب اپنے سگنیچر سومرسالٹ کا جشن منا یا۔ یہ تیسرا موقع تھا جب پنت نے چھکے لگا کر ٹیسٹ سنچری مکمل کی۔ تینوں سنچریاں انگلش اسپنرز عادل رشید، جو روٹ اور شعیب بشیر کے خلاف بنائی تھیں۔ اس سے قبل سچن تیندولکر چھ بار اور روہت شرما تین بار یہ کارنامہ انجام دے چکے ہیں۔
اس اننگز کے ساتھ، پنت کے پاس اب ہندوستان کے لیے بطور وکٹ کیپر (سات) سب سے زیادہ ٹیسٹ سنچریاں ہیں۔