جانتے ہیں اور مانتے بھی کہ جنگ میں سب سے پہلا شہد ’سچ ‘ ہو تا ہے… سب سے پہلے اس بے چارے سے قربانی لی جا تی ہے… بے چارہ یہ خود قربانی دینے کیلئے تیار نہیں ہو تا ہے… بالکل بھی نہیں ہو تا ہے… اس کی شہید ہونے کی کوئی خواہش بھی نہیں ہو تی ہے‘ لیکن پھر بھی سب سے پہلے اسی سے قربانی لی جاتی ہے… اسی کو شہید کیا جاتا ہے…حالیہ ہند پاک ٹکراؤ … فوجی ٹکراؤ میں بھی ہم نے یہ دیکھا … گرچہ یہ جنگ نہیں تھی… یہ ٹکراؤ جنگ کے قریب بھی نہ تھا ‘ لیکن… لیکن اس ٹکراؤ میں بھی بے چارہ سچ ہی شہید ہو گیا… اللہ میاں سے دعا ہے کہ وہ سچ کو شہداء کی صف میں شامل کرے اور… او ر ہم اس کے ابدی سکون کیلئے ہمیشہ دعا گو رہیں گے … لیکن صاحب یہ سب کچھ کہنے کے بعد بھی ہم یہ حلفاً بیان کرتے ہیں کہ… کہ اس کا یہ مطلب نہیں کہ … کہ اس ٹکراؤ میں سچ کہیں ہمیں نظر نہیں آیا … یقینا ہمیں نظر آیا … ان تصاویر میں نظر آیا جو تصاویر میکسار نے پاکستانی فوجی اڈوں کی کھینچ لیں … حملے سے پہلے اور حملوں کے بعد بھی… اور یہ تصاویر چیخ چیخ کر کہہ رہی ہیں… وہ داستان … جس داستان کو چھپانے کی کوشش کی جا رہی ہے… اپنے لوگوں سے بھی اور دنیا سے بھی کہ… کہ اگر ان تصاویر سے کچھ سامنے آرہاہے تو… تو یہ ایک بات سامنے آ رہی ہے کہ… کہ پاکستان کی فضائیہ کے ان اڈوں کو ایسی مار پڑی ہے کہ ان کا چہرہ ہی بگڑ گیا ہے… بری طرح سے بگڑ گیا ہے … اور کیا کیا بگڑ گیا ہے … آج نہیں تو کل… سامنے آئیگا ہی اور… اور اس لئے آئیگا کیوں کہ سچ صرف جنگ کے دوران شہید ہو تا ہے… جنگ کے بعد نہیں … امن کے دور میں نہیں کہ … امن میں سچ ہزاروں پردوں کی چیر پھاڑ کرکے بھی سامنے آتا ہے… اور یقین کیجئے گا کہ… کہ اب کی بار بھی وہ آئیگا … وہ آرہا ہے… آہستہ آہستہ ہی سہی لیکن آرہا ہے… تب تک منانے دیجئے لوگوں کو ’یوم تشکر‘ کہ… کہ جب سچ سامنے آئے گا … تو سچ کو شہید کرنے والے اپنی جان کی پناہ مانگیں اور… اور انہیں پھر خطرہ ہو گا … ڈر اور خوف ہو گا کہ … کہ سچ جاننے پر لوگ انہیں ’شہید‘ نہ کرڈالیں ۔ ہے نا؟
سچ جو جنگ میں شہید ہو تا ہے !
